2007年9月21日



CLICK: 講 真 話 定 你 老 闆 ?


老 拍 檔 王 賢 誌 ( Vinci ) 離 開 公 司 前 的 最 後 一 個 show , 就 是 我 跟 他 合 作 的 《 娛 樂 直 播 》 。 他 last day 前 兩 個 星 期 左 右 才 通 知 我 , 以 為 他 一 直 安 於 現 狀 的 我 嚇 了 一 跳 。 後 來 他 略 略 道 明 因 由 , 總 覺 可 惜 , 但 惟 有 祝 他 前 程 似 錦 。 過 了 幾 天 , 看 到 他 在 《 忽 然 1 周 》 的 專 訪 , 才 恍 然 大 悟 。 原 來 如 此 , 屈 在 心 13 年 的 悶 氣 , 最 終 讓 最 暢 銷 八 卦 雜 誌 的 王 牌 寫 手 娓 娓 道 來 。


你 說 : 「 原 來 只 要 高 層 鍾 意 你 , 就 點 都 得 ! 」
不 用 「 原 來 」 , 這 根 本 就 是 全 香 港 大 部 份 打 工 仔 的 心 聲 。


打 工 首 課   侍 老 細

我 爸 告 訴 我 , 打 工 的 唯 一 objective 就 是 make your boss feel good ; 並 不 是 把 工 作 做 到 最 好 。 只 要 他 feels good , 「 就 點 都 得 」 。


好 運 像 我 , 遇 上 一 個 你 承 認 他 能 力 , 而 又 同 意 他 處 事 方 式 的 波 士 , 你 真 誠 地 認 同 他 , 希 望 配 合 他 , 令 他 feels good , 當 然 冇 難 度 。

慘 是 慘 在 一 些 打 工 仔 遇 一 個 無 能 力 無 遠 見 的 犯 眾 憎 老 闆 , 見 他 靠 make his boss feel good 上 位 。 你 對 他 毫 不 尊 重 , 還 要 make him feel good , 到 底 要 多 高 EQ , 要 放 下 多 少 尊 嚴 和 原 則 , 要 有 多 大 能 耐 才 能 達 到 ? 達 不 到 時 , 又 怎 辦 ?

被 列 為 香 港 富 豪 第 三 代 , 與 霍 家 公 子 們 、 亨 亨 公 子 、 胡 氏 兄 弟 齊 名 的 你 , 有 後 路 可 走 。 但 一 般 大 眾 市 民 , 打 工 為 兩 餐 , 未 必 有 這 種 luxury 。

其 實 打 工 第 一 課 就 是 ─ ─ How to make your boss feel good, no matter who he/she is 。 這 一 課 不 合 格 的 話 , 絕 對 可 以 回 家 幫 爹 打 工 , 或 者 自 己 搞 生 意 , 討 好 目 標 客 人 , 感 覺 總 比 討 好 老 闆 好 。

曾 特 首 說 的 「 做 好 呢 份 工 」 在 暗 示 甚 麼 , 難 道 大 家 到 現 在 還 不 明 白 ﹖
反 觀 陳 太 以 前 , 就 是 沒 有 「 做 好 這 份 工 」 而 提 早 「 退 休 」 。 現 在 她 強 勢 回 歸 , 想 回 到 打 工 仔 行 列 , 一 再 強 調 會 與 中 央 溝 通 , 目 的 還 是 ─ ─ to make her boss feel good , 之 後 希 望 「 點 都 得 」 。


選 美 對 答   要 夠 狠

你 說 想 當 港 姐 司 儀 。 其 實 讓 你 當 了 也 沒 甚 麼 大 不 了 , 比 賽 過 後 人 家 只 會 尖 酸 的 批 評 冠 亞 軍 , 那 會 記 得 誰 當 司 儀 , 除 非 情 況 是 這 樣 :

司 儀 王 賢 誌 : 「 Hello , 13 號 方 栩 鶯 。 如 果 你 噚 晚 發 夢 見 到 亞 米 糕 赤 身 露 體 , 你 覺 得 係 對 今 晚 的 賽 果 有 乜 暗 示 呢 ? 」

敢 言 的 13 號 方 栩 鶯 決 定 玩 : 「 乜 你 認 為 呢 條 問 題 真 係 可 以 考 到 一 位 即 將 代 表 香 港 女 性 智 慧 咩 ? 」


司 儀 王 賢 誌 : 「 依 照 比 賽 規 則 , 妳 須 要 如 題 作 答 。 」
13 號 方 栩 鶯 擰 頭 : 「 對 唔 住 。 我 拒 絕 。 我 退 出 。 」 ( 欲 離 場 )

司 儀 王 賢 誌 ( 補 鑊 ) ﹕ 「 咁 你 認 為 乜 問 題 可 以 ? 」

13 號 方 栩 鶯 : 「 跟 政 治 文 化 歷 史 地 理 經 濟 有 關 任 何 問 題 。 」

司 儀 王 賢 誌 : 「 咁 悶 問 題 , 會 影 響 港 姐 收 視 喎 。 」

13 號 方 栩 鶯 : 「 乜 你 唔 知 YouTube 近 期 熱 播 美 國 Miss Teen USA 中 South Carolina 小 姐 亂 答 一 通 片 段 咩 ? 總 共 有 2,000 萬 次 點 擊 , 佢 答 問 題 方 式 仲 同 布 殊 總 統 齊 名 ! 點 會 影 響 收 視 呢 ? 對 唔 住 , 我 都 係 決 定 退 出 。 」

司 儀 王 賢 誌 : 「 好 , 多 謝 方 栩 鶯 , 家 有 請 14 號 … 」

當 這 段 片 load 上 YouTube 之 後 , Vinci 可 能 方 可 以 名 留 千 古 。
我 佩 服 你 敢 作 敢 言 的 勇 氣 , 人 生 中 能 夠 放 肆 瘋 狂 的 日 子 不 多 , 這 段 美 好 光 景 叫 作 「 年 輕 」 。 若 老 時 才 回 想 自 己 一 生 沒 有 做 過 一 件 令 人 震 驚 嘩 然 的 事 , 必 定 萬 般 無 奈 , 嘆 息 無 期 。

唯 一 為 專 訪 的 構 思 大 圖 替 你 不 值 , 為 何 你 會 被 藍 綠 紅 繩 子 綑 綁 ? 理 應 是 解 脫 。 還 有 , 懷 才 不 遇 的 嘆 息 , 一 次 就 足 夠 , 下 次 跟 誰 吃 飯 時 都 不 需 再 談 了 。


女 人 膽 大   愛 真 話

我 到 過 討 論 區 看 Vinci 就 這 次 事 件 的 「 民 望 」 , 正 負 面 評 語 各 佔 一 半 。 有 的 佩 服 他 的 敢 言 , 有 些 罵 他 小 器 得 像 個 女 人 。 我 不 同 意 網 民 說 的 小 器 , 應 該 是 膽 大 ; 但 我 喜 歡 他 以 女 人 來 比 喻 Vinci , 因 為 女 人 喜 歡 大 膽 地 說 真 話 。 像 鄧 蓮 如 , 84 年 坦 然 向 鄧 小 平 表 示 對 將 來 中 國 接 管 香 港 感 到 憂 慮 ; 像 章 詒 和 , 連 續 三 本 書 被 大 陸 列 為 禁 書 , 也 絕 不 退 讓 ; 像 張 純 如 , 27 歲 立 志 要 寫 一 部 有 關 南 京 大 屠 殺 的 書 , 讓 地 球 所 有 人 不 但 要 知 道 納 粹 屠 殺 猶 太 人 , 還 有 我 們 中 國 人 , 那 次 差 點 被 世 人 遺 忘 之 殤 。


上 星 期 有 幸 現 場 聽 陳 太 演 講 , 她 提 到 香 港 人 最 渴 望 的 價 值 是 honesty,integrity,openness,and transparency ( 誠 實 、 正 直 、 公 開 、 透 明 ) 。 我 絕 對 同 意 , 那 些 又 假 又 廢 的 人 和 言 論 , 我 們 聽 夠 聽 厭 了 。 大 家 都 應 該 大 膽 地 說 真 話 , 但 說 的 時 候 , 記 得 奉 上 一 個 四 萬 笑 容 , 以 緩 和 一 般 人 不 能 或 不 肯 承 受 真 話 的 打 擊 。



11 則留言:

匿名 說...

今期忽周訪問鍾麗湜,佢而家在國內發展事業,在北京定居,過著香港未有的富裕生活.在國內有很多機會,拍劇,剪綵,出show都有錢俾番.所以都好過以前在香港時.

有時我覺得,香港某些東西會比大陸更有自由,但係今時今日既香港好似越黎越唔掂.而大陸就越黎越好.

匿名 說...

我覺得電視台同出面d公司一樣,冇話冇左邊個唔得,你老細鍾意你,就升你上神台都可以.你老細唔鍾意你,就算你幾叻都好,都可以炒你.

楊千嬅在電影"四大天王"的訪問講,呢個唔係fare games,呢個只係一個game,玩得呢個遊戲就無謂同佢抗衡.

匿名 說...

this time, your essay is much informative than your previous essay.

However, I cannot agree with your point about the history, Mrs Chan's statement. Mrs Chan's statement is a joke only

Since this computer didnt install Chinese input method, I cannot type Chinese as usual and my English is not good enought to discuss. I will let you know what logic problem about Mrs Chan tonight.

匿名 說...

「 乜你認為呢條問題真係可以考到一位即將代表香港女性既智慧咩?」

如果哩位佳麗參選咗咁耐, 到上到個台仲仍然覺得電視台係想選一個美貎與智慧並重既女仔代表香港既話, 佢智慧真係有啲問題。

選美只係一班女仔著住泳衣比評頭品足既show + 電視台從中發掘適合做演藝行業既人材既途徑,

如果我係司儀, 好簡單一句︰"係, 哩條問題係考驗佳麗既臨場應對表現。"
寸啲既可以再加多句︰"哩度唔係常識問答比賽"

到時如果佢話要離開, 我會叫下一位佳麗出場, 不過, 佢已經輸哂 :)

匿名 說...

re !!m, 那個問答題只係just for fun..創作出黎搞下笑,不需太在意.

不過呢,電視台選美係為左乜野呢?真係咁偉大選個女仔代表某區域?我覺得係為左收視和俾個機會賺下廣告錢.好似港姐近年越縮越細,想當年候選佳麗都30啦...搞出場都半小時, 問答都一小時以上.又分準決賽和總決賽. 今日十多位搞掂同埋一集過.

近年已經變成了大學小姐選舉,同埋藝員的入行試.我諗佢唔敢再好似想當年咁俾D 18歲既做冠軍和得獎,像袁詠儀和張曼玉.我唔明白點解要選有高學歷和海外回港的冠軍,學歷等於有智慧嗎?好多讀死書,讀書死的人,連基本生活常識都沒有.

隔離台好夠創新啦,舊年個冠軍是16歲的外國人.

我諗已到取消搞此比賽的地埗了.好似新秀歌唱停辦,而家翻做只係英皇俾錢自己搞.

隔離台個選美就識得鹹魚翻生,因為可以發展到全中國,和很多國家都搞.冇利益既野,係唔會做既.

而家既香港先生都係隔離台搞先, 而家人地唔搞之麻,或者他日又再搞番個亞洲先生,到時中外猛男俊男...嘩,諗起都覺幾好睇.

今天看此文章才知MISS TEEN USA 2007的事情, 因為我英文真係好唔掂,睇極都唔明,所以SEARCH左中文版解釋,睇完還是一頭霧水..我的理解能力真係..極度有問題.

匿名 說...

your article reminds me a movie 'little miss sunshine'. it is just a game, dont take it so serious. if you want to join the game, play hard, if not, leave! who cares!

匿名 說...

何為香港人價值呢?,香港四大支柱就聽過,並且好有道理的,但香港人四大價值,就第一次聽了。

點樣厘定香港人的價值呢?用統計搵出全港人心中的價值嗎?計出頭四名?還是陳太自己一人在退休獨自領會出來呢?

公開同透明是否重複呢?陳太連搵四個互不相幹的價值都做唔到,真係老了。

相信佢係用英文演講的,openness 和 transparency,openness 可能解作 open mind 接受新事物,還可以講得通。

其實由於陳太的說話是由你轉載的,不是她自己本人講,其實我不應再 discuss 了。

政客的說話其實要好小心聽的,背後往往好多政治目的,例如陳太今次講埋 d 放於四海皆準的說話,邏輯學上好似叫吐吐邏輯,meaningless,唔通叫人唔誠實,唔 open mind 咩。

你老爸說這句就非常之精彩,真係一句到肉。你老爸不是大名人,但所說的話比陳太好得多,實用得多。

世上有咁多名人,實會有些說話和自己性格相若。不要再搵名人的說話支持你自己的性格了,只會自己呃自己。

匿名 說...

遊戲規則並不是你定,你要參於這個遊戲就要有運動精神遵守它們的遊戲規則,無論問題幾咁白癡都一定要貼題作答,誰人叫你參加白癡的遊戲。你想要改遊戲規則,就上位吧,當你有權時,想點改就點改。

文中方栩鶯離題作答一定係錯的,一來知識無分高與低,誰人說政治、文化、歷史、地理、經濟是高人一等,娛樂圈需要創作力的行業,有創意的假想題有何不對之處。如果我係主持一定玩殘文中的方栩鶯,「問歷史,好呀,試舉出東南亞中的越共和馬共兩黨的相同和不同之處」,「問題經濟,好呀,近年可口可樂為何輸比百事呢?分析可口可樂的策略上有何出錯」要問到佢口啞啞絕不難事。

昨晚我唔得閒無法回覆你,但你諗清楚你最新的留言吧

Josekin 說...

I like the comparison to Little Miss Sunshine (though a bit harsh).

Obviously, your job is to make your boss' job easier. And his job is to make HIS boss' (another boss, perhaps, or the ultimate boss - the customer) happy. This will be the same in all professions.

The major difference is how the company as a whole treats it. Does the company allow who likes whom to become the culture of the firm? Or is it based on meritocracy? i.e. if you are good, you will get the chance to shine even if your boss doesn't like you - you can't work for the same boss, but your talent could be used by another boss.

Another difference that you can make as a person is to not join companies and careers that you cannot agree with. I can personally attest that I have chosen my career that way. If it is a world that my principles don't agree with, I will not go there. Unless I expect to make a difference and change it - this of course being close to impossible due to all the inertia that people exhibit once they are stuck in certain situations.

清高? Maybe. Then again I need to make my boss - me - happy!

匿名 說...

o依?原文個問答對話明明係直指Amigo架?之前個blog都係amigo,點解無啦啦改咗做"亞米糕"?係咪怕.....

匿名 說...

我今日也見到陳太在維園 2012見普選!