2008年12月12日

十年一遇的契機

近期心情特別好,因為我快要發達了!

哈,當然不是認識了什麽大陸有婦之夫,被人包養。想起發達這麼開心也并不是因為我異常貪錢,而是我賭性甚強,喜歡以小搏大,贏到1賠3以上的賭局會令我興奮不已。試想,平時去賭場買大小,贏輸機會是50:50;但最近居然有一個“賭場”,買大的贏面有8成,更是1賠3!你說令人多振奮!

我所指的“賭場”其實就是期指市場。

我發現金融海嘯之際,大家都在討論買什麽股票,但沒人說要買期指,我就知道其實很多人對期指這種金融商品很不熟悉。

等我簡單解釋:期指=「期貨指數」,而期貨=買賣一些還未到期(未發生)的“東西”,「期貨指數」在買賣的“東西”就是「恆生期貨指數」。有時,太正經的definition聽起來更難明。(連我看了自己所寫的,也覺混淆!)

再簡單點說,就是你認為恒指會升的話就可以“買入”一張期指合約,附上18萬左右的按金(不一定是18萬,但當市場波幅比較大的時期,像最近,按金便會高),期貨指數每升1點,你就會賺$50。但當然,假如期貨指數跌一點,你就會輸$50。嫌每點50塊上落會令你心臟病發的話,可以買“小期”,按金是期指的1/5,每升一點賺$10。

聽起來像買大小是嗎?買升買跌五五波。

但是!遇上十年一遇的金融海嘯,有現金的人有福了!因為恒指已經跌到這種程度(恒指今天約15,000點,是短期的高位),若我明年在12,000水平(我個人相信恒指未見底,預期09年1、2月才是最壞情況,會再見11,000點。注意:“山挨”貼士,切勿盡信!)用18萬按金買入一張期指合約(假若還要跌就“迷埋眼”慢慢等),到2010年中經濟復蘇(經濟一定會復蘇,這卻不是“山唉”貼士,經濟有周期是肯定的),若恒指回升至22,000(保守估計而已),1萬點升幅,等於賺50萬,270%回報率。

是的,買樓做按揭的話,都會有倍數回報率,但
1)未必人人能成功申請按揭
2)未必人人想負債
3)還要找租客,管理物業,非常麻煩。

期指的交易費用每手即日平倉約105至180元,即日不平倉的話為123至300元,相比於買賣同等數量的股票平宜得多,更不用費神於挑選買賣那一公司的股票。你看連Lehman都可以“執粒”,中信都可以抄燶accumulator,你還敢獨孤一注買股票?

買期指的Opportunity cost (機會成本)就是沒有息收。不過幾百%回報率,算啦!

第二個相同概念的方法就是買盈富基金(2800),恒指見12,000點時,2800股價會是$12。這方法的缺點是沒有leveraging,當恒指見 22,000水平,盈富基金會升到$22,回報率83%。借錢買盈富基金,都可以做到同等的leveraging效果,大概要用18萬本,再借40多萬買盈富基金才會achieve到270%回報率,還要付0.25%佣金,又要借錢。

買期指開戶手續:投資者必須在香港期貨交易所屬下的經紀行簽署具法律效力的合約和交付保證金才可以進行恆指期貨買賣。

建議大家分段買下月小期(視乎財務狀況),每兩個月roll-over直到經濟復蘇就可以平倉。(詳情請問你的投資經理,千萬不要打email問我。)

警告:
本blog全屬作者個人意見。期貨指數可升可跌,投資者有可能會損失全部本金。借錢買盈富基金同樣有可能會損失全部本金, 因此,如有需要,請徵詢獨立、合資格之法律、財務或其他專業顧問,以確保所作之決定,皆能符合閣下之個人或財務狀況。

12 則留言:

匿名 說...

唔識就咪亂咁 9up 啦

期指買上每月要畀幾百點premium ,係因為期指用leverage 操作,等於借錢黎賭,premium 就係借錢畀既利息。09年加息期就開始,息率越高,premium 就越貴。賭咁長期,剩係畀premium 就先輸一段。

仲有期指背後的恆指每年都要除息,你賭一兩年無可能唔考慮除息因素。

最後每月轉倉係有 risk 有洗費架,你又有冇考慮到呢?大姐

如果經濟惡性通漲,恆指就會出現長期牛皮,有波幅無升幅,你輸premium 都輸死

2005mhk18@gmail.com 說...

你自己看看下月premium系幾多啦。幾十點姐。我現在講緊會賺一萬點wor。
and你自己邊日買邊日轉倉抵D,你自己set啦。
到時我發達,你繼續在我blog鬧我好唔好?

匿名 說...

我係粗人一名,粗口便是我的日常語言,我講粗口唔代表我鬧你,我只是依話直說吧。對於你無私講出自己的想法,我點會鬧你呢?

你賭期指發唔發達,我真係唔多知,我只知賭期指發達的人遠少於賭股票發達的人,可能你係其中一名付碌撞棍最後賭贏期指的人。

如果要我用錢下注賭你發達先還是破產先,我肯定賭你破產先。嘻嘻~ 我唔話我咒你,因為我係要用我 D 錢,我當然下注於贏面高果一邊。

陳大文部落 說...

講真,市面上咁多(好似好多~)所謂金融投資書,都係講股票多,其實時限性會好 out ,一個大升市升完至出書,睇嚟把鬼咩,等於跑完馬至同你講點解會贏。

而且諗下,好多散戶,根本無咁好心機(及理解力)去研究乜乜期指,最緊要講 number,話之咩講個 股票number 買啦~~


發左達呢....Um...買豪宅囉,就...賽西湖啦! <---㊣

賽西湖!賽西湖!賽西湖! Yeah ~~~

@@"V ~~~

Alvin 說...

恆指跌到6000點的話﹐你會蝕三十萬。

恆指會不會跌6000點?我不知道。你之前也估計恆指16000會見底。

熊市玩尋底﹐是一個風險相當大的遊戲。

Good luck & take care.

匿名 說...

唔好意思,我擺明off-topic.

Erica,你覺得才子玉女分手單野係堅定流? 才子係咪真係有心撇玉女?

匿名 說...

Play 期指? I'm waiting for seeing you on newspaper A1.

As your blog reader, I don't want to see "Ex-Miss Hong Kong jumped off the roof". Not kidding. 9 out of 10 people pk at 期指. When you think luck is on your side, you will start digging tombs for yourself.

Good luck

匿名 說...

風險奇大GEI期指俾你講一講好似ZERO-COUPON咁WR....

係唔係真係擺兩年都唔駛平倉呀?!你話見底JEI, 幾時見咩位見你都好CERTAIN咁WOR...

小心D WR.

匿名 說...

I don't u trade future too.

I understand wht u mean and u are really a smart girl.

I know u will be the one can win

Leon 說...

無意中見到你的Blog, 我個人不太喜歡你"寸"的作風, 不過睇完你的Blog (娛樂篇), 又覺得你寫得幾啱聽.
重有你所講的投資(機)期指的方法, 我現在已經實行緊. 樓上的匿名人士完全是9up, 期指可以係高水又可以係低水, 點解"畀premium 就先輸一段"? 股票有除息, 但我從來都未聽過恆指要除息! 我睇恆指就已經見左底, 2年後我地一齊等收錢囉.

2005mhk18@gmail.com 說...

回顧, 恒指確實在2009年一月底見11000點, 同年底升上23000點. 希望各位有跟啦.

"唔識就咪亂咁 9up 啦"
---well...

Leon 說...

我由2009年1月開始買期指 6月時已經翻了4倍 可惜忍不住反手沽 以為中期調整 結果輸晒所有贏利 不過今年5月睇準再入市 現在已經賺了6倍有多了