2007年10月20日

明 刀 明 槍

唔 好 廢 話 啦 , 唔 該 !


放大

( 編 按 ) Erica 話 今 次 費 事 爆 話 係 邊 個 , 所 以 叫 我 將 個 當 事 人 打 格 !

入 行 後 第 一 項 被 委 派 的 工 作 是 當 《 娛 樂 直 播 》 的 主 持 。 當 時 《 東 張 西 望 》 因 節 目 調 動 而 「 摺 埋 」 了 一 排 , 所 以 我 有 幸 跟 採 訪 隊 四 出 參 與 城 中 大 小 活 動 , 及 訪 問 兩 岸 三 地 的 名 人 明 星 。 令 我 大 開 眼 界 的 有 兩 方 面 : 一 方 面 是 娛 樂 圈 的 星 光 璀 璨 大 場 面 , 第 二 方 面 是 部 分 明 星 於 活 動 和 訪 問 中 的 廢 得 驚 人 言 論 。 平 常 在 電 視 機 前 不 會 太 覺 , 因 為 太 廢 的 話 都 被 刪 掉 , 現 場 卻 另 有 一 番 景 象 。



令 我 印 象 最 深 的 是 一 位 帥 哥 前 輩 ( 哎 , 我 不 是 馮 仁 昭 或 媽 咪 姐 , 請 大 家 不 要 猜 是 誰 了 ! ) , 他 是 行 內 有 名 的 「 兜 圈 」 高 手 。 當 年 我 問 他 有 沒 有 信 心 奪 得 某 個 獎 項 時 , 他 說 了 一 堆 甚 麼 評 判 團 都 是 公 正 嚴 明 的 , 自 有 他 們 的 專 業 眼 光 云 云 。 聽 到 我 有 點 不 耐 煩 , 我 便 打 斷 了 他 , 索 性 問 他 覺 得 那 一 位 對 手 對 他 威 脅 最 大 。 他 居 然 說 自 己 不 是 評 判 團 , 然 後 再 把 三 分 鐘 前 的 無 重 點 答 案 重 複 一 遍 。 此 時 拿 麥 克 風 在 發 獃 的 我 惟 有 看 導 演 , 他 眼 神 示 意 一 個 「 沒 辦 法 」 的 表 情 , 而 我 就 踩 4 吋 高 長 靴 繼 續 發 獃 。

回 想 起 幾 年 前 到 某 家 英 資 銀 行 面 試 MT ( 見 習 行 政 人 員 ) 時 , 被 HR 姐 姐 寸 到 差 點 說 不 了 話 的 情 形 。 每 當 我 答 完 問 題 後 , 她 都 說 我 沒 有 回 答 過 , 說 我 離 題 , 目 的 是 看 我 能 不 能 沉 氣 吧 。 我 恨 不 得 可 以 像 那 個 HR 姐 姐 般 反 問 反 問 再 反 問 , 說 他 離 題 , 但 , 唉 … …

有 些 節 日 活 動 , 同 樣 頂 癮 。 去 10 個 同 類 活 動 , 見 10 批 不 同 artistes 的 答 案 都 是 大 同 小 異 。
司 儀 : XXX , 你 邊 年 的 XX 節 過 得 最 開 心 呀 ?

Artistes : 咪 係 今 年 ! 因 為 可 以 同 大 家 一 齊 過 ! 我 未 試 過 同 咁 多 人 一 齊 過 ! 真 係 好 開 心 呀 !

然 後 在 活 動 中 不 厭 其 煩 地 重 複 又 重 複 : 今 晚 我 真 係 好 開 心 呀 ! 再 封 上 一 堆 虛 偽 無 比 、 像 電 視 劇 那 些 刷 鞋 仔 的 招 牌 笑 容 。 噁 心 。

真 開 心 還 是 假 開 心 , 你 以 為 在 場 觀 眾 看 不 出 , 感 受 不 來 嗎 ? 演 戲 也 要 演 得 真 實 點 。
有 些 藝 人 還 是 真 確 地 表 現 開 心 的 一 面 , 但 我 卻 恍 惚 看 到 她 們 眼 中 有 兩 個 「 $$ 」 符 號 。 活 動 的 酬 金 是 挺 動 人 的 。

最 怕 是 到 Charity events ( 慈 善 活 動 ) , 明 知 某 個 artiste 沒 有 愛 心 , 甚 至 連 基 本 的 公 德 心 都 沒 有 , 卻 對 做 善 事 表 現 得 異 常 踴 躍 。 我 想 , 還 不 是 你 經 理 人 公 司 安 排 的 形 象 改 造 課 ? 上 台 講 了 不 夠 一 分 鐘 , 台 下 的 真 正 慈 善 家 已 知 其 底 蘊 , 無 心 聽 之 , 繼 續 social 感 謝 賓 客 更 實 際 。 難 為 那 位 artiste 還 講 了 10 分 鐘 沒 人 聽 的 「 感 受 」 。

Artistes 每 次 被 訪 問 , 在 任 何 台 上 講 話 都 等 於 公 開 演 講 。 哪 些 artistes 有 誠 意 , 有 做 功 課 , 觀 眾 是 看 得 出 來 的 , 別 當 觀 眾 是 白 癡 , 侮 辱 觀 眾 , 對 不 起 觀 眾 。




65 則留言:

匿名 說...

"帥哥前輩"+"行內有名的「兜圈」高手"

啊, 你講黎明嗎?
他的"金句"好有爛gag feel...

Peng

匿名 說...

棄卒又發渣…

骨膠原 說...

呢篇好左,差唔多喇,開始有d份量,唔錯唔錯.

上面果個 peng 我唸你入得太快喇,要俾番少少位至得架, 知無?而家咁樣就唔好睇喇.

其實兜圈勁既 artist 都唔止係呢位阿哥既,好多架其實,不過呢,呢位阿白淨人就兜得比較誇左少少囉 .

mill 說...

一個咁普通既訪問你都可以借題發揮,話人講廢話,你係咪真係無野寫到咁?你好可憐。

骨膠原 說...

erica,妳話d 觀眾唔係白痴,會睇得出 artist 有無誠意,都唔係架,觀眾真係幾白痴架,仲要白痴得來好膠下架.

唔白痴就唔會去日日追偶像啦,我真係好開心呀,我真係好好開心呀,我真係真係好好好好開心呀.

好___ 開心呀

匿名 說...

Erica=Peng

Erica=Amy

LOL

ar fai 說...

有無人知中環邊度食日本野好食?

骨膠原 說...

mill ,妳都傻既,緊係要借題發揮架啦,唔通講耶穌咩.

妳應該罵, 話erica 你做乜話人講廢話呀,人地有料過你好多啦, 咁至係丫嘛.

不過妳入位都入得唔錯,係適當時候有適當氣氛.

匿名 說...

Erica,

我地睇你同睇leon既心態一樣,都係因為無聊,而唔係你地講野有咩point,反正都係陳腔濫調。

另外,你語感好平庸好似說明書文字,要「有野」既就唔好從陶生身上學習,起點太高啦對你來講。

建議你多d睇下你blog友elaine既文字。

mill 說...

骨膠原,

你都幾可愛…hehe

骨膠原 說...

ar fai ,不如你問埋水喉漏水點樣整,好唔好?

哈,呢位 anonymous 唔好用陶生做參考,人地唔係講呢樣野架,陶生本身都唔係走呢條線架,唔好見陶生講下讀野就乜都用陶生標準先得架,真係好笑,見人講時事,就乜都用時事feel,見陶生黑色幽默,就以為乜都可以用佢做標準,你估話學就係喇咩.

睇阿邊個邊個靚仔係無聊?咁又點呢,大把人鍾意睇呀,仲要卅九幾歲都仲係咁睇阿靚哥仔呀,知無?

睇多 d elaine 既回應,無架喇,唔記得左架喇,得鬼閒睇番邊個 elaine 咩,一係麻煩你 copy 番出來啦,你知啦, erica 個 blog 都唔係 blog 架啦而家,就算唔貼文都百九幾個回應架啦,都唔知邊個打邊個...

哈....唔止骨膠原, 直頭骨質疏鬆呀.

匿名 說...

骨膠原,
你理解錯喇,人地指的"blog友elaine"是Erica's Links下面其中一個會blog友
,而唔系在這裏留言的人...

Peng

匿名 說...

我 是 個 不 折 不 扣 的 Daniel 擁 護 者

骨膠原 說...

啊,我知喇我知喇,空姐elaine 丫嘛,男人來架可能,哈哈...嘿.真係.

erica 好d , 無咁膠,其實呢 , 即唔係話唔膠,都好膠架喇, 應該話膠膠地咁囉, 但 ok 無乜問題 。但膠得來好睇,起碼有一種戰狼三百既feel,再唔係就加埋 Star Wars 果種咁精彩, 大製作呀真係. erica 果 d 專欄好睇好多, 空姐二拎果 d 唔興架喇.

erica 一篇比一篇好睇喎,真係精彩每一天架呢.

[ 有 erica ! 唔會矇查查 !]

好野~

匿名 說...

戰狼三百既feel, haha..
你這個metaphor用得好,
有個硬(膠)的兇猛外殼,但事實上是偽裝的(CG)...
你是電影人嗎?

Peng

骨膠原 說...

erica 寫既野,可以跑出既,可以既可以既,係爭少少嗟,咁睇下係想咩方向囉,咩方向就用咩話題架啦.

我唔係電影人,點解會認為係電影人呢? 無理由就咁提下戰狼三百就估電影人架.

因為直覺上,電影人係識多d野,會唸多好多野,係咪? 而且會睇到一般人睇唔到既野,係咪?

未必架喎.

用下比喻好簡單嗟.

我可能只係一個傻既都唔定架喎,可以係一個超市理貨員,可以係一個清潔工人,更加可以係一個八婆都得架. 唔一定係星光熠熠架.

就係爭果少少嗟,真係少少,.....唉...唔~

呵呵.....跑出喇跑出喇

匿名 說...

藝人偽人,娛樂圈內上至高層下至路人甲,無不吹水兜圈最耍家,但講到有效溝通就睇嚟好渣!而且都冇乜幾個會好似Erica妳咁樣心口掛個勇字地有碗話碗囉,我諗佢地都好驚隨時打爛隻碗㗎。

匿名 說...

Erica,

講得啱噃,演戲也要演得真實點.很多人也是言不由衷,幸好妳不是~~~~~~:)

Daniel.

匿名 說...

What was the location at the photo !

diddy 說...

開始過瀘咗唔少留言...
乜自由都無...
我唯有過facebook發表

阪本龍一 說...

袁彌明小姐:


妳的文章開始「漸入佳景」。
諷刺時弊的最高境界是讓當事人有一秒鐘會心微笑的時刻之餘,他更會有一秒鐘反省如何偽裝「真實笑容」的時刻。例如最近世界各地的政府流行談論環保問題,許多葬儀行業開始向死者家屬推介「紙製棺材」的產品,當許多年輕男女也會帶著「真實的笑容」嘗試躺下這副「紙製棺材」時,僅僅躺下「紙製棺材」的三秒鐘已經能夠測試妳的枕邊人有沒有流下「真實的眼淚」。這不是甚麼「黑色笑話」的題材,假如妳要瞭解枕邊人的真性情,也許「真實的眼淚」勝於千言萬語。

阪本龍一

骨膠原 說...

你知道嗎,你寧願俾人係呢度講下,你最多都係呢度笑下咋,你過濾晒 d 留言, d 人不如係外面係咁唱 , 你仲頭痕呀.

匿名 說...

Anonymous said...
藝人偽人,娛樂圈內上至高層下至路人甲,無不吹水兜圈最耍家,但講到有效溝通就睇嚟好渣!而且都冇乜幾個會好似Erica妳咁樣心口掛個勇字地有碗話碗囉,我諗佢地都好驚隨時打爛隻碗㗎。

5:51 AM, October 20, 2007

----------------



袁大小姐唔憂兩餐緊係唔驚打爛隻飯碗

過客 說...

唔出奇呀! 這就是人生,這就是生存之道。

沒有什麼大驚少怪!

匿名 說...

你醒下啦, 你係咪黐孖根?

你只一個小小落選港姐咋,無名氣,無才華,無演技,你啲所謂知名度都係你自己自編自導自演造新聞所得黎咋!人地公司見你無表演,cut你job咪cut你job囉。你簽咗約就要履行合約,你覺得唔公平既你咪告上法庭囉,睇下法官點判?合約既野白字黑字。你唔好睇到你一兩句說話咁重啦!成日扯其他藝人落水,而家猛咁想搵人支持你,要個個覺得tvb點衰點衰,人地點迫害你。就算tvb有無壟斷都好,我都覺得佢地cut你job係絕對明智。

匿名 說...

袁小姐
請你尊重一下自己
你根本對「尊重」這個字絲毫不認識
他是你的前輩
是用來尊重,並不是譏笑
你明知道記者們會看你的blog
就不要寫一些太敏感的話題
你以為自已的一廂情願不說那藝人的名字出來
記者就不會查嘛?
別幼稚吧
每一個人也有言論自由
並不代表可以打擊攻擊別人
這種行為跟街市裡的三姑六婆有什麼分別
不要希望增加名氣了
那一點點的名氣只不過是你那「寸」、「四周潑婦罵街」積累的
請你檢查一下吧
要不然
觀眾緣這三個字永遠不會出現在你身上

匿名 說...

睇你寫d野都知你冇品德架啦, 仲好意思話人, 笑死人

匿名 說...

你咪一樣係咁, 之前人地話下你, 你都post返封道歉信啦, 話人地扮野話人地假話人冇善心, 你咁前後矛盾, 你就唔假呀? 講人之前諗下自己啦, 你講野一向冇代表性就知d人唔認同你啦, 成日講一套做一套, 你自己咪又係你口中講果類人渣.

匿名 說...

嘩!唔係呀!
咁都好明顯下啫!
張相係erica參加奧運玩得叻個時,
d報紙報導嘅相,
而同erica一組嘅咪係彭健新囉!

匿名 說...

話... 你好假喎, 講到自己係現場咁唔妥佢, 睇佢同佢影張相點, 咪係你口中講果d一d善心都冇但又扮雀躍果d偽人羅. 有口話人冇口話自己, 又係廢up....哈哈

匿名 說...

你咁唔妥人, 又笑成咁, 你自己呢句都好岩你喎, 偽人真係偽人
"再 封 上 一 堆 虛 偽 無 比 、 像 電 視 劇 那 些 刷 鞋 仔 的 招 牌 笑 容 。 噁 心 。"

匿名 說...

係人面前就笑口, 調轉頭就唱人, 呢d小人真係防不勝防呀. 你既品德, 大家都心照啦

u 說...

打格,佢唔係彭乂乂咩.係遊戲節目呀麻,你同佢一組,係咪

pippi 說...

just curious! is that pic randomly taken actually? since what you wrote doesnt seem to be related to a game show at all!

匿名 說...

diddy,

正本清源嘛,人就是容忍也有限度,始終不明白有些人是否有自虐狂,唔鍾意仲繼續睇,定係佢地係......哈~~~~~~;D

S小姐 說...

我都幾經常上黎睇你呢個blog
一路都係企o係"支持你"果一邊既
你所寫(或"打")既文章當中
我覺得你呢一篇最正
今朝睇報紙果陣, 自己都爆笑左一下
好有同感

之後我全日都仲諗緊有邊個藝人年年都話"最開心同大家渡過"
諗諗下都蠻多的..XDD

本身我都唔係太喜歡你
可能你之前o係電視劇入面既角色不太討好
我印象中係有"肥xx事" 同埋"x通x下"入面囉
"肥"入面, 你入面既角色好似無乜用...無啦啦彈出黎做人地契女...
另一套劇, 你著果d古裝西洋服又有d奇奇怪怪喎, 加上成日都要嗌果位外國人做"pa pa", 好似集集都聽到你叫"pa pa", 久而久之就覺得你唔太討好

之後, 無啦啦唔知點樣搵到你個blog, 你俾我既印象完全改曬,甚至乎有點欣賞你. 最欣賞既係, 當時果d記者發現到你o係個blog入面直腸直吐, 你都依然故我, 其實你都係講出自己既感覺o者..

點都好, 我都係云云讀blog者之中, 支持你既其中一個.

Erica 說...

這 事 跟 彭 建 新 無 關 ﹐ 只 是 忽 週 沒 相 登 所 以 隨 便 放 一 張 。
彭 建 新 是 一 位 很 照 顧 小 藝 人 的 前 輩 ﹐ 我 為 何 笑 著 跟 他 合 影 就 是 虛 偽 ﹖是 什 麼 道 理 ﹖

“我都覺得佢地cut你job係絕對明智。”
---我 也 同 樣 。 現 在 多 了 很 多 時 間 看 書 ﹐ 不 用 當 讀 搞 機 器 ﹐ 挺 好 的 。

肥 田 。 。 。 其 實 我 也 不 知 道 角 色 在 戲 裡 的 作 用 。

匿名 說...

Erica,

同樣一句,以色侍人不會長久.其實彌明如果唔做生意,可以做freelance,或者學Prof M C Yuen都得噃~~~~~~;)

Daniel.

阪本龍一 說...

袁彌明小姐:


為何我還會繼續在這裡留言??
因為我想瞭解妳的見解深度與文筆的創造力。當妳能夠像一口充滿活水的井,讓公眾能夠從多角度思考分析問題,這樣才能彰顯妳智慧泉源的深度。至於文章修辭技巧方面,我相信妳多讀魯迅的雜文後,定能鍛鍊妳撰寫諷刺文章的能力。也許部份戴上有色眼鏡的讀者閱覽妳的文章後,他們還要回頭觀賞紅綠藍三色臺的老套電視劇,那才是邊罵邊看的典型「偽眾」呢。

阪本龍一

匿名 說...

骨膠原果然無改錯名,寫d野都特別膠過人,完全都唔make sense gei?
成個維園阿伯咁

匿名 說...

「Erica said...
這 事 跟 彭 建 新 無 關 ﹐ 只 是 忽 週 沒 相 登 所 以 隨 便 放 一 張 。」
忽週咁樣都好攪嘢啫,搵唔到相求其登張都得?冇相一係就咪用丫嗎,就算要fill up empty space都唔好無端端辣到個唔關事嘅人,既損人又不利妳喎,佢地揀咩相冇同妳溝通好嘅咩?

dumpdump 說...

下面一些留言,是不是刻薄了一點?今天是偶然到了袁小姐的blog,覺得她文章寫得很棒,也很有見解,至少沒有遮遮掩掩說些廢話。比很多藝人的blog好了太多。那些評價她修辭文筆的,哪天自己上來發篇范文給我看看!

骨膠原 說...

我好膠咩,點會呢,我覺得 erica 既文章真係一篇好過一篇架o皮,唔係咩?

話人地膠,膠係邊度先得架,膠唔係咁用架嘛.無乜邊個可以企出o黎為人講野架喇,tvb呢 d 咁既惡棍呢,係要有人提出o黎俾大眾睇下,唔係就真係齊齊膠喇.

如果話我膠,咁果 d 日日上o黎捉亞 erica 罵既,又唔知罵乜架喎,果 d 咪仲膠,係唔係?

erica ,睇多左你既文, support you 呀.

ps : 點解有個叫做咩骨膠原咩咩鐳射商標既,咁神化架...?

彼得哥哥 說...

路過的...
其實娛樂圈就是這樣的...但我也覺過份虛假.睇見訪問人時娛記笑得好鬼假(鬼叫係又笑唔係又笑咩!!!可否唔好無情情都笑餐飽得唔得??).......

D問題又係白痴到痺,怪不得觀眾D智商越來越低啦(未必包括在下).....

妳說那相是雜誌隨便拿來的???
怪不得而家D媒體咁唔專業,專砌故仔!!!狗唔答鴨,是旦拎起D野就開始砌....佢?
唔通作家都係由此誕生的???

匿名 說...

我 為 何 笑 著 跟 他 合 影 就 是 虛 偽 ﹖是 什 麼 道 理 ﹖
>> 報導指明係你叫佢地將張相打格仔, 話係唔想將"當事人"身份曝光, 咩叫當事人呀? 依加係度扮晒野話點解唔可以笑住影. 咁唔妥都笑得出, 仲舉埋v字手勢, 轉頭去唱果個"當事人". 都未見過d咁賤既賤口, 依加仲話點解唔可以同個"當事人"笑住影喎. 膠.

彼得哥哥 說...

原來要批准後才能POST評論...好似煩左D喎 [-o<
可否先斬後奏???

匿名 說...

寫得出依加俾人估到個當事人, 你又唔敢認, 博完出位唔敢認就咪吠啦. 兜乜丫, 棧人地睇死你. 哈哈.

匿名 說...

Erica said...
這 事 跟 彭 建 新 無 關 ﹐ 只 是 忽 週 沒 相 登 所 以 隨 便 放 一 張 。
彭 建 新 是 一 位 很 照 顧 小 藝 人 的 前 輩 ﹐ 我 為 何 笑 著 跟 他 合 影 就 是 虛 偽 ﹖是 什 麼 道 理 ﹖

很照顧小藝人的前輩喎, 所有後輩都咁up架啦, 似乎你都係你口中交行貨, 當觀眾白痴果d藝人羅. 定係人地講行野唔得, 得你呢d是非精講行野先岩level呀. 咁又係竹門對竹門, 你呢d木門應該對返d廢話既

匿名 說...

dumpdump said...
下面一些留言,是不是刻薄了一點?今天是偶然到了袁小姐的blog,覺得她文章寫得很棒,也很有見解,至少沒有遮遮掩掩說些廢話。


沒有廢話又怎樣, 她人前笑笑口, 人後就周圍唱衰人, 做佢朋友都要小心三分牙, 容乜易下個俾佢唱既係佢地自己. 如果你係唔鍾意一個人, 最多咪唔理佢羅, 周圍唱人又下賤又冇口德. 你會唔會仲笑晒同人一齊v呀? 呢D偽君子真小人都係第一次見識到.

匿名 說...

Anonymous said...
「Erica said...
這 事 跟 彭 建 新 無 關 ﹐ 只 是 忽 週 沒 相 登 所 以 隨 便 放 一 張 。」
忽週咁樣都好攪嘢啫,搵唔到相求其登張都得?冇相一係就咪用丫嗎,就算要fill up empty space都唔好無端端辣到個唔關事嘅人,既損人又不利妳喎,佢地揀咩相冇同妳溝通好嘅咩?

忽周寫明係話佢叫將個當事人打格仔架喎, 咩叫當事人呀. 貼錯相都算, 咁咩叫將個當事人打格呢?

Erica 說...

你 們 問 編 輯 吧 。
他 們 登 什 麼 照 片 作 visual不 到 我 過 問 。

不 是 每 個 前 輩 都 對 後 輩 熱 情 。 有 些 很 cool.

pippi 說...

點解d人好似真係為罵而罵架?我都係睇完篇野覺得根本同張相唔
match所以都叫erica clarify返啦。擺明佢講緊几係interview人but that picure was taken from a game show!點解仲要乍住呢個point去單打人?我絕對respect有d 人disagree with 佢几做法,但呢單好明顯真係唔關佢事架窩?!when I read it i was a bit suspectious about the picture and then i thought the editor just wanna make use of the picture to convey a message that the name of the Big Star is not mentioned in the article and so it appears to be a blurred person.

阪本龍一 說...

袁彌明小姐:


寫作小說《色,戒》的女文學作家張愛玲也是擅於描寫諷刺的散文,妳也可以參考她的小說作品。以一把手術刀的文字技巧赤裸裸剖開這個荒涼世界的悲哀,我相信妳的文字功力能夠脫胎換骨。


阪本龍一

匿名 說...

原來彭健新係咁既人。

匿名 說...

「Erica said...
你 們 問 編 輯 吧 。他 們 登 什 麼 照 片 作 visual不 到 我 過 問 。」
將一張相擺咗喺一堆文字傍邊,讀者好自然會將圖文聯系。如果事實係圖不對文,咁即係無啦啦拖咗個唔關事嘅人落水之外仲令到focus錯亂,讀者又只掛住估相中人係邊個而missed咗篇文字嘅point。專欄作者用嘅係妳個名,邊個編輯冇乜人會理,咁攪法讀者第一個就指住嚟鬧嘅係妳。編輯係咪特登玩妳都好啦,既然專欄係妳寫,點解唔跟得徹底啲?

妳要敢言之餘都要學吓點樣同時唔好畀位人去攻擊妳,否則啲人只會繼續忘形地去插妳而miss晒妳嘅point。

匿名 說...

彭健新都幾無辜...我好多時都在街碰到佢.真係無乜明星架子,人一個.

匿名 說...

Anonymous said,

妳要敢言之餘都要學吓點樣同時唔好畀位人去攻擊妳,否則啲人只會繼續忘形地去插妳而miss晒妳嘅point。

一矢中的,但其實好多人都知娛樂雜誌啲話事人嘅品格......

眼為心之苗,一睇就知彭健新唔係囂人~~~~~~;D

Daniel.

阪本龍一 說...

袁彌明小姐:


同樣張愛玲(1920年9月30日)與魯迅(1881年9月25日)具有非常厲害的批判時弊能力,而他們也是出生於九月份的天秤座作家。


推薦作品:
魯迅:《野草》,《熱風》
張愛玲:《金鎖記》


阪本龍一

匿名 說...

亞阪本龍一呀, 其實你有無覺得你一直以黎都有啲自言自語既感覺?好似無乜人理你咁既?撐袁踩袁既人兩邊有時都有過好多好到位既論點,但你次次打咁多字都無乜人回應你咁(包括袁小姐本人)。你講野會唔會有時廢咗啲呢?

tracy 說...

袁小姐都算得是成功了,TVB里能冲出來寫的有几個?看看滿滿的回覆者,支持的反對的,連我都來插一脚,奉勸一句无論是尖辛刻薄還是借題发揮的,人生就是戲,幽默地去揮笔才能讓人覺得瀟洒,erica!

阪本龍一 說...

無名氏:

袁彌明小姐是否回應讀者,這是她的自由。
我也沒有要求袁小姐與其他讀者回覆本人。
妳要明瞭袁小姐每週需要遞交兩篇文章,她也沒有這麼多時間回應這裡的讀者。倘若你想閱覽一些滿含哲理與社會時事論點的文章,也可以訂閱《時代》雜誌或《明報》月刊。


阪本龍一

Erica 說...

阪本龍一 :
對 不 起 。 害 你 受 了 點 委 屈 。
其 實 我 一 直 都 很 留 意 你 的 留 言 。 你 是 個深 思 熟 慮 的 人 ﹐ 挺 有 見 地 。 你 說 的 很 多 我 也 同 意 。 但 我 總 不 能 你 publish一 遍 ﹐ 我 就 回 一 次 "i agree"。 這 樣 沒 意 思 啊 ﹗ 所 以 沒 回 。 這 點 我 想 你 是 明 白 的 。
謝 謝 你 的 book recommendation.馬 上 去 買 ﹗

阪本龍一 說...

袁彌明小姐:


不用謝謝。希望妳的文筆發揮更燦爛的五采光芒。


阪本龍一

匿名 說...

袁小姐,—恭喜你,著名的網上阪本龍一好出名,好勤力地去每一個有名氣的女blogger,他看得上你是你的榮幸.

匿名 說...

erica說﹕
你 們 問 編 輯 吧 。
他 們 登 什 麼 照 片 作 visual不 到 我 過 問 。

但這是你的blog,你有選擇落不落相的自主權,哪你為什麼仍要落一張你聲稱「明知是配錯相」的照片﹖

不要再撩是鬥非吧