2008年3月14日

明 刀 明 槍: 想 說 給 男 人 聽 的 一 些 事




Women do not know what they want 。 即 使 你 問 九 千 八 百 遍 , 她 們 還 是 答 不 出 心 中 真 正 想 要 。 最 慘 是 男 人 要 用 估 的 , 估 中 是 你 好 彩 , 估 不 中 只 見 女 友 的 黑 面 不 滿 樣 , 一 定 甚 為 無 癮 。 其 實 解 決 方 法 是 有 的 , 就 是 問 Yes/No question 或 者 multiple choice 。 不 要 問 : 「 你 做 咩 唔 開 心 呀 ? 」 要 問 : 「 我 今 晚 唔 約 朋 友 話 , 你 係 唔 係 會 開 心 呀 ? 」 不 要 問 : 「 想 去 邊 度 食 飯 ? 」 要 問 : 「 想 食 日 本 、 西 餐 、 定 係 泰 國 菜 呀 ? 」 除 了 女 人 , 這 種 問 答 方 式 還 適 用 於 BB 仔 。 跟 BB 一 樣 , 女 人 會 感 受 但 不 會 表 達 , 所 以 利 用 選 擇 題 形 式 發 現 她 們 心 所 想 會 比 較 奏 效 。


對 女 人 來 說 , 男 人 和 她 拍 拖 並 不 代 表 男 人 愛 她 ; 男 人 則 覺 得 我 不 愛 你 幹 嘛 和 你 拍 拖 ? 女 人 需 要 的 是 你 久 不 久 跟 她 表 達 或 表 現 你 愛 她 。


應 該 選 一 個 怎 樣 的 女 人 當 老 婆 ? 我 的 建 議 是 1 ) 開 心 , 2 ) 知 足 , 3 ) 簡 單 。


不 要 隨 便 對 女 人 說 : 「 Sorry ! 」 除 非 你 知 道 錯 在 哪


保 持 手 指 甲 乾 淨 , 上 班 皮 鞋 一 定 要 光 鮮 , 不 然 會 馬 上 被 女 人 扣 分 。


Jump shoot 姿 勢 不 正 確 就 千 萬 不 要 在 女 生 面 前 打 籃 球 。


和 女 人 吵 架 是 最 煩 的 事 , 所 以 男 人 們 更 加 要 學 會 處 理 。 吵 架 最 初 當 然 是 因 為 某 些 「 事 件 」 , 但 通 常 令 架 吵 得 大 的 都 是 男 人 的 「 態 度 」 問 題 。 敷 衍 、 事 不 關 己 等 於 死 定 。 無 情 、 固 執 、 女 人 哭 到 死 還 是 無 動 於 衷 的 一 樣 冇 運 行 。 架 吵 過 了 , 雙 方 都 發 表 完 「 偉 論 」 後 , 其 實 女 人 等 的 只 是 一 個 機 會 , 一 個 可 以 擁 抱 男 友 、 不 計 前 事 的 機 會 。 男 人 態 度 不 軟 化 , 這 個 機 會 就 永 遠 都 不 會 來 。 而 態 度 軟 化 不 等 於 軟 弱 , 不 等 於 無 原 則 。


騎 牛 是 找 不 到 馬 的 。 舊 的 不 去 , 新 的 不 來 。


沒 遇 到 好 的 女 人 之 前 就 可 以 大 玩 特 玩 ? 是 不 是 因 為 你 在 大 玩 特 玩 , 所 以 好 的 女 人 見 到 你 都 敬 而 遠 之 ?


公 司 忙 , 沒 時 間 陪 女 朋 友 不 要 緊 , 只 要 態 度 是 「 我 都 好 想 早 放 工 , 快 見 你 。 」 重 點 不 是 結 果 你 能 不 能 見 她 , 而 是 讓 她 知 道 她 在 你 心 中 是 priority ( 被 優 先 考 慮 ) 。


女 人 不 需 要 空 間 , 不 需 要 解 決 方 法 , 只 需 要 你 聽 她 說 話 。 聽 時 要 注 重 的 不 是 內 容 , 而 是 她 的 感 受 。


女 人 的 性 慾 天 生 沒 有 男 人 的 強 , 所 以 被 拒 絕 時 不 用 太 介 意 , 原 因 通 常 與 你 無 關 。 女 人 的 性 慾 是 由 心 而 起 的 , 還 需 要 生 理 上 熱 身 , 試 從 這 兩 方 面 出 發 。

33 則留言:

O姐 說...

而家d女仔好爽同好主動架喇, 你估仲係80年代咩

路人甲 說...

既是說給男人聽的話,筆者讀而不回,無禮。
就給你回個留言。

建議你不要相信自己明白男人。
原因很簡單,就是筆者活了數十個寒暑,到今天仍不認為自己明白女人。
這只是推己及人的結論。

男人會選怎樣的女人當老婆?
筆者回答這個問題,可能對你有些幫助。

其實,答案與 女人會選怎樣的男人當老公,應該差不多。
你撫心自問,就會知道答案。

明白你自己的答案,你便會知道如何尋找你的另一半。
由於不同女性,會有不同答案,所以,唯一通用的答案,就是 緣份。

祝你有個幸福美好的人生,阿彌陀佛,善哉善哉。

匿名 說...

彌明:

問女生問題是否要用Yes/No question或者multiple choice就真係睇人啦,我個ex-gf及她的姊妹(全是大學同學)是少數例外.

對,女生需要的是我們久不久跟她表達或表現我們愛她,但原因要問妳們.

選甚麼女生做老婆?男生社會地位也是其中因素.

唔只sorry囉,任何敷衍了事的話都死.

女生喜歡任何情況都乾淨,只是從生物學角度論,過於乾淨對人不好.

工欲善其事,必先利其器.

女生跟自己吵架,just hug her!

牛跟馬是不同的東西呢,救命!

男生自己想做playboy就認啦,口不對心:P

態度嘛,要女生相信自己?還看平常表現.

女 人 不 需 要 空 間 , 不 需 要 解 決 方 法 , 只 需 要 你 聽 她 說 話 。 聽 時 要 注 重 的 不 是 內 容 , 而 是 她 的 感 受 。Certainty!

性欲差異?生理使然!男生們,忍耐點吧!

Daniel.

your ex-colleague 說...

Hi ex-colleague, I already bought the sudden weekly to read this article la, because of you, yeah~!

阪本龍一 說...

彌明:


女人心,海底針,是千古不移的道理。


阪本龍一

阪本龍一 說...

彌明:


當女生懷疑男生有沒有向她付出真感情時,總要男生回答「你是否愛我嗎?」二元論的答案。一位理智的女生應該從男生的行為細節觀察男生的真感情,才能決斷這位男生是否能夠付託終生的對象。


阪本龍一

匿名 說...

獲益良多。

女人這種動物,真要多花時間研究。

Practice 是否能 makes perfect?

S

匿名 說...

還是建議你不要再寫這類型文章,因為內容及風格實在太過「梁穎妍」,那會讓你萬劫不復。然後成為所謂的「港女」icon,再被傳媒數你十次八次。
即使你日後洗底想做才女,都好難。
找過其他題材寫男女關係罷。

laulong 說...

文章寫得很不錯啊!有些東西真是你唔講我唔知。

魯男子嘛,有得你叫!

h.m.l. 說...

Erica,

jump shoot唔係個個男仔都得,就算佢好掂但遇見那些block波高手一樣會出醜,除非技術高超過人,否則可免則免,都係做個保守D既得分王,我想會比較受女士們歡迎D掛

某 Blogger 說...

我也有些個人意見。

也建議妳不要寫太多這類型文章,雖然是有稿費,但對妳百害而無一利,並且在形象上有長遠影響。

當然,如果是妳個人取向喜歡這類文章,則是個人選擇,是自由決定。

我期待妳出的書,當是我旁人一個意見吧。

laulong 說...

Jump shoot?落場打波一定要識個噃!那是持球滯空,讓自己有百分之一秒(?)瞄準投籃的方法。我屎波,但後生狀態好時,十球 jump shoot 都會入三、四球。難嗎?修頓球場、維園落場的後生仔、阿叔阿伯基本上個個得,分別在姿勢是否正確、是否好看而已。

Tina 說...

Erica說得極對,香港d男仔都係咁廢,無本事,唔識野,唯有返大陸第三世界至適合佢地.香港有呢班低質男,就是這樣累死.

睇得上眼的港男真是少得可憐,連像人樣的也難得一見.

匿名 說...

tina港女,睇得上眼gei香港女子都少得可憐。

好梁穎妍...haha,講得岩...
港女一大特質就係自以為看透兩性觀點,以為自己第上大有本錢。erica...你有d文寫得幾好,如社會問題o個d...你寫親男女關係就好差劣冇內涵。希望你本書唔係咁。

匿名 說...

tina:

我想看看你的樣。

唉,何苦又挑起港男港女論辯攻訐呢!

匿名 說...

各位:

詩書滿腹人自華.

其實現今很多人所說的港男及港女也有一個共通點:

就是不肯抽時間看書及/或進修.

Daniel.

Erica 說...

這篇并沒有踩男人的意思。只是我個人(作為一個女人)對男人的一些點子。

小必理痛 說...

Erica姊:

你呢篇文十足十同我家姐講過嘅一樣,不過我覺得而家D男同女,比起十幾年前已經係有好大變化,男嘅顯得有D打不還手但又暗中埋怨;女嘅又諸多扭拎又小孩化。在你描述中嘅女性,有好多都係我家姐以前對我忠告,有D我真係比較背,未聽過。

但我都認為Erica姊你最好唔好開呢DTopic去撰寫,因為實會引起好大爭論,而且Erica姊你一定唔會係中性性別(或雌雄同體),永冇可能企係一個中性立場去講男同女。就算你真係講到一個中性論點,但你本身嘅性別,都已經係論點傾斜嘅部份。

就好似寫分析宗教,如果寫0個個人本身有宗教背景,幾客觀幾中性都好,佢嘅背景亦會係文章偏頗於佢寫嘅宗教嘅部份,而且引發嘅爭論會好激烈。

Gloria 說...

我覺得袁彌明寫男女關係都寫得好好,
絕對唔會「好梁穎妍」,
邊句踩過男人呢? 我睇唔到呀.
明刀明槍, 繼續努力!

莫太 說...

我很想知道為什麼anonymous想看看tina的樣?

有時候開心的人 說...

寫得好阿! Erica Yuen

tina 說...

點解要看我的樣,無他,廢物男終日電車自閉,不知所謂,用嫖妓的心態去看女人,咪要研究人地既樣囉.

做男人要有遠見,有知識,張宏艷主播新書,柔情,智慧兼備,是女性之光,睇其他男作家的書,很少有及得上.

Erica只係說出別人不敢說的真心話,港男終日失敗,累己累人,心想吃女人便宜,但女人在香港,逃不得,是男人廢而惹的禍.

忠言永遠不中聽,人家說出窩心真話,難免垃圾男不順!

匿名 說...

啊,親愛的莫太,tina眼角咁高,一定好靚女啦,一定好身材啦,一定好鬼叻啦。假如佢真係我所諗嘅,我會追佢。因為我唔喺港男,而且我好靚仔(雖然有些人話我醜,但我不承認),而且我有些錢,可以養得起隻雀仔唔會俾佢餓死!

tina,我等你!

匿名 說...

張宏豔?我睇佢個 blog 悶到想瞓著。失眠從此唔駛買藥啦!要自殺都唔駛食安眠藥啦,睇佢個 blog 得啦!

tina, 男人去嫖唔多睇樣架,况且好似你咁靚(?)都唔會去做鳳啦!

我就慘啦,噚晚在餐廳坐,竟然有自稱來自香港的女人走來向我問價,我即時反應,問佢:你係咪tina 呀?

噢,你可知我對你有多大興趣!

匿名 說...

喂,Anonymous,你係邊個,妙死啦!

tina, 你俾佢睇下個樣啦,話唔定佢肯呢。

而且我都想睇下。你鬧得人,梗係有番咁上下。

路人乙

小必理痛 說...

一個男女之爭,一個宗教之比,就好似而家咁樣,搞到熱鬧非常。Erica姊,你都見到你呢篇文嘅Comments係超乎妳想像的多吧?

Tina姊,希望妳唔好一竹篙打哂一班男士落水,唔係所有男士係妳心目中都係咁毫無地位的,我相信o係妳身邊會有妳欣賞嘅男士,係嗎?希望唔好厚此薄彼就好啦。^^

tina 說...

果個anonymous,狗口不出象牙,廢物不見出息,垃圾就係垃圾,唔識尊重女性,仲要自己話自己靚仔,一點個人修養都沒有.香港就是多得呢類電車淫男,呢種人拖累社會.

張宏艷新書,有柔情兼並智慧,為理想努力,毅力之堅定,你睇你班電車男有誰敢正視.

話女人係隻雀仔,成熟點吧,尊重你自己,你呢類咁既人我都唔期待你會識得尊重女性,尊重你自己啦.

你睇張宏艷既blog覺得悶,梗係啦,張主播有才華,你一般貨色既電車男,點會識呢?

Erica有的是勇氣,敢言,講中左垃圾男既弱點,你自己先反省啦

匿名 說...

我都話唔係港男咯,做乜嬲到語無倫次啫!

懿!我都無話女人係隻雀仔,睇清楚啲啦。

懿!張宏艷新書乜乜乜,咁似三十年代老餅文藝腔架。

懿!Erica 成篇文都冇鬧人,唔好屈佢啦,我好鍾意佢架。

懿!似罵街噃,都唔好玩嘅。

tina, 我唔諗你啦!

路人乙,唔駛等啦,佢俾我都唔睇啦。

匿名 說...

Anonymous,你真係超級高手。

也好,我亦不想港男港女廢辯下去!


路人乙

黃長興fans 說...

港女成日有短路既情況

匿名 說...

唉,不要吵,不要吵。拜託,拜託!

路人乙

匿名 說...

To Erica and all male who posted comments to this passage:

I am a woman and I agree with this pasage very very very very much!!!!!!!!!!!!!!!!!!!!!!!!!!!!!

匿名 說...

騎 牛 是 找 不 到 馬 的 。 舊 的 不 去 , 新 的 不 來 。
說得真好!!!!