2009年2月8日

TVB魔術咸豬手事件之原告失蹤


TVB魔術咸豬手事件發展到現在,居然沒有原告,實在匪夷所思。

大家會問:“邊個被人抽水的鵪鶉,不滿但又不敢大大聲聲說出來?”

當事人只敢在小圈子講是非,讓別人(例如苑仔、官恩娜或其他人)得知事件。而路見不平的知情者唯有隱晦地為受害者伸冤。但始終事不關己,當事人都未出聲,第三者怎敢無故踢爆豬手誰屬?

但假如你細心想想TVB的文化,就不難推測事情的發展。

TVB一直把藝人培養成”乖”、“唔好搞咁多事”、“唔好出咁多聲”,講太多就是博見報、唔乖,就可能會被“雪藏”作為“懲罰”。

即使有理據地據理力爭,也會被視為“麻煩”。

最記得港姐出外景,發生了一件超級無敵無聊的事,令我完完全全看清這種TVB文化。
港姐期間,因人數眾多(20個女仔),所以每宣布事情前都要點名,這才不致有錯漏。
但話說我出外景時,因沒有戴一個白色puma袋(sponsor)而被監製鬧到狗血淋頭。我從來沒有聽過此項宣布,經明查細訪後,得知原來大會(外事部)在沒有點名的情況下隨意宣布(排舞放break的時候),我十成十就是上了廁所,沒聽到。但大會卻以為正式宣布了。

被監製鬧到死,又不是自己錯,我當然據理力爭,告訴大會宣布當時我實在不在場。

後來我聽說就是因為這件事,外事部和製作部都覺得我“很麻煩”,監製更表示考慮還給不給獎項予我。懲罰可真大。

這就是TVB。把藝人培養成慣吃死貓,教導她們要啞忍,不要據理力爭,多一事不如少一事。正正說明了為何這次魔術咸豬手的原告,不敢告發,姑息養奸。

活在這種文化下的 女藝人,不但不懂得保護自己,久而久之,更完全忘卻了自己應有的權利。

傳媒訪問時,個個TVB女藝人說假如自己遇到這種事會打、踢、大鬧抽水人士。
唉,大隻講,嘥氣啦。

16 則留言:

匿名 說...

Oh! Never mind! in the last year ( the year of rat ) the cat did not caught all the rat!


ha ha ha

匿名 說...

這不只是tvb的文化,基本上,有中國人的地方就有如此不平的事發生。「多一事不如少一事」的觀念在中國人的社會根深柢固,正如早前中國內地毒奶粉受害者提出共同訴訟,控告生產、銷售含「三聚氰胺」奶粉的22家企業,但法院最終不受理此案件,當局更禁止律師受理毒奶案,可見這個專制的社會最討厭人興風作浪。
tvb和中國政府的做法,乃是非不分。
將伸訴嗚冤視為興風作浪,更令人覺得匪夷所思。

陳大文部落 說...

無辦法㗎喇,得一個大台嘛,話就話有幾個電視台,老實講,來來去去咪又係得一個大台 ~~~

鹹豬手事件,煲水又唔出奇,真人真事呢就預左喇,咁大個台,咁多女,話無人起痰都唔信啦,唔一定力藝人喎,靚仔男藝人被人鹹手都唔奇㗎。

係咁上下........

匿名 說...

"把藝人培養成慣吃死貓,教導她們要啞忍"

可能唔係培養, 係個受害人都唔想講.
走出黎同大家講"係呀!我被人揸呀!" 咁呀?!
你知D傳媒大眾幾口賤GA LA, LEE D始終都唔係風光事.

一陣無啦啦同大家講被人非禮D人又話搏出位搏見報.你睇下樂小姐個回應...DIU.

shizuoka2002 說...

彌明:

本人只是從以下角度想問題:

首先,苑瓊丹那些行為叫風聞言事,居心叵測兼賤格到無倫......

再者,其他女明星又話自己俾人抽水但講不出姓甚名誰,同一犬吠日有何分別......!?

事實上,根本無抽水事件!

如果有人話我講得唔啱,請用道理與證據說服我......

Daniel.

Kit 說...

"樂易玲籲女藝員勿亂噏博見報"
我係俾人抽水果個女artist都唔敢出聲啦,唔怕俾人雪咩......?

陳大文部落 說...

http://hk.music.yahoo.com/magazine-news-article.html?uid=493275

唉,即呢,嘿嘿嘿,TVV 近排呢,梗係有啲『景轟』嘅,嘩,仲有 PA 涉嫌『企圖輪姦』喎,咁犀利,官恩娜做左阿頭喇....

梗係有啲嘢嘅,斟唔惦數呀,嘿嘿。

匿名 說...

都隔阻一排啦,如果妳俾人摸過,妳會唔會依家出聲呢?妳有何證據先,人地袛會話你博出位乎?不如妳試吓話妳參選時俾人博過慒,出來做原告啦!

匿名 說...

大婆台ma,,係咁咖啦..

匿名 說...

講得很好!非常認同你的觀點!!!

成展權 說...

我在電視廣播有限公司工作了15年..名字就唔講啦,sorry先,我負責是幫藝人化妝..我真係唔想出聲討論這些事..但係你們日日討論,其實這件事不是真的,公司個個人都好有禮貌.絕對無"TVB魔術咸豬手",請大家不要再討論,苑瓊丹其實係講大話..

我想回覆"陳大文部落".你可能會出手摸..但係所有TVB職員or藝人個個人都好有禮貌.

匿名 說...

成生,你又咁肯定佢係講大話。我估條友唔會大胆至在化妝間出手啩。

匿名 說...

會唔會係奬門人節目到係咁俾人摸阿,係都無辦喎。是否玩具大王?

匿名 說...

乜tv都差不多姐,我諗atv都係

匿名 說...

無人抽你水, 你駛唔駛檢討下你既吸引力.....:D

匿名 說...

I'm sure 苑仔 is telling the truth. However, things will be worst if she reveals the names of those involved. The victims, if there are any should have made a police report immediately when it happens. It is too late to open your mouth now unless you are prepared to leave the entertainment circle.