2008年2月14日

情人節

又到情人節,這個最不普天同慶的節日。
到底是誰發明這個臭屁節日,害有情人的要花費裝浪漫,沒有情人的不趁這機會表白恍惚若有所失,不表白又沒有情人的總覺周身不聚財,到處洋溢浪漫肉麻氣氛卻沒有自己份兒,一支弓沒節目更顯得分外孤寂。
不過,兒時的我也曾愛過這一天。
學生時代單身度情人節是最幸福的。班房抽屜里放的小禮物,黑板上寫的示愛宣言,宿舍枕頭底藏的情書,猜想他拜托了哪位女宿生干這種勾當。中學生男歡女愛,坦白又簡單。不過一個小小示愛gesture,顧慮極少,過程緊張刺激至抽起愛情線上每一根神經。多好。
上班以來最怕生日和情人節 is a work day,因為沒事情比在辦公室收花更可惡。從門口送貨員手上簽收了花簇后,拿著走回座位的路程像絲綢之路般漫長,低下頭直奔時只盼不要驚動八卦又愛說閑話的女同事,表情要natural和 neutral并重,免得被人說成心花怒放地曬命。開心的事卻somehow變了羞愧的事,討厭死了。
除非跟男友如膠似漆、打得火熱,兼且未過雙方生日和圣誕節,否則情人節根本是多余。
拍了幾年拖的,唯有視情人節為例行公事,或者是考驗creativity的日子。單身的,趁這天示愛實在太cheezy,還是接受示愛的好,即使不愛對方,至少尊重人家選擇愛你的權利,也珍惜自己被愛被寵的一刻。作人情夫、情婦、第三者的,豈有不恨這節日的道理,與其孤獨傷心地想著你的他/她跟她/他約會,何不當自己單身一晚,各自各精彩。

20 則留言:

匿名 說...

彌明:

很多節日已經變質呢,睇開啲~~~~~~:P

Daniel.

匿名 說...

Anyway.....Erica, Happy Valentine's day !!

陳大文部落 說...

我覺得今年的情人節已經無咁肉麻,商品少左,可能由於通脹實在厲害, d 人咁係講到咁多閒錢。


咁都好既,大佬年年 99 枝玫瑰,乜乜情人餐,做狀到暈,難得香港人自己唔覺得肉麻。


我好怕以前其他女同事,一到情人節,就好似黑社會晒碼頭咁,鬥大簇鮮花,五顏六色,仲有 d 女同事仲串,直頭多過一簇花,即是話俾人知 ( 我好多條仔 )...


眼見女同事之間目光如炬,望下自己既花夠唔夠多先,仲慘過送殯咁,大家都好享受呢種小農晒馬既快感。

....哈哈~ 仲有用金沙朱古力砌成既朱古力花,真係救命。

Leona 說...

照你這樣說,情人節應該是百害無一利囉?
=)

辦公室收花的確讓人尷尬。
以前做過一間公司,receptionest會捧著花送到收花同事面前,並喊出來,XX,收花了。
好像宣讀聖旨似的。受不了。

又,在辦公室裏把花束用來比拼十分無聊。漸漸發覺,人家不喜歡你的話,也不會讚你的花好。
今日出去收花時,幾個接待處的同事笑咕咕道,你的花最高貴大方,送的時間也剛好,瞧,那一束,晨早九時就送來了,唔知做乜。說罷朝門口努努嘴。其實那花比我的更豔麗。

明白這道理,就知道比拼誰的花更大沒意思,不如平日和同事好好相處。

話說回來,又有哪個女人不愛收花?
正如你問男人愛不愛看咸site一樣。
問黎都多餘。

匿名 說...

No one wants a loud talking bitch like Erica.

匿名 說...

係咪有點矛盾呢?
而且收花不見得是一種「晒命」行徑,而是一種幸福表於外的行徑,沒有什麼羞恥或者不好意思。
過份多慮呢。

有時見你寫的文章,好多時都以負面批評,做人咁負面,並不開心。

情人節收花又好,冇男人都好,最緊要自己做好就得。

匿名 說...

同意,如果兩人真心相愛,日日都係情人節啦,無須係果日做show咁做俾人睇,討厭

L L 說...

哈!情人節我是久已平常心。

人最忌被甚麼節甚麼日拖著走,即使在我今年的生日,我也全無動作。甚至兒子嚷著要買蛋糕,我也說不必了,甚至不准!晚飯照舊在家裏吃,一點不鋪張!

生日?真正要懷愛的,該是向自己的母親!

昨天約不到人吃飯,原本想著返歸了,怎知幾個損友見有空子,拉了去打八圈,輸到林諗 lum ,之前連勝七八場紀錄告終(也好,費事打跛哂啲脚)。

哈,又幾特別的情人節喎!

Lo 說...

情人節現已成為一個被貪婪的商人追擊你身家的日子。
有情人但沒有情人陪伴過情人節的人通街都是,當中又有幾個會是痴心錯付呢?

陳大文部落 說...

拿,個道理呢,其實心水清既,就好簡單既。


真正大方有教養的女士,不論是否拍拖中或已婚、或情人多多多,都不會晒自己有幾多花、有幾多仔,或條仔 ( 或 d 仔)送幾多野俾自己,好似晒嫁妝咁,我都見過接待處亞妹妹仔,好似人地哎賣點心咁,叫邊個邊個收花,差 d 要埋家屬謝禮,唔少人真係好厚面皮。


有教養,並與是否有錢人無關,也和是否高職無關。


你估小農小資產階級飢餓小婦女咩,怕唔怕肉麻呢? ( 不過我都非常相信係唔怕既 )

陳大文部落 說...

上面有位 anonymous 提到:

[ 而且收花不見得是一種「晒命」行徑,而是一種幸福表於外的行徑,沒有什麼羞恥或者不好意思。]...



>>>> 有道理,講得好,金沙古古力同埋鮮花批發商,每年都咁講 ~~~

幸福表於外、情義永記心、甜在心頭、一刻永記、一花一情意....

呢 d 詞語真係用到爛,連賣電磁爐都整句 [ 好味情永在 ] ..哈哈。

匿名 說...

Leona,大文兄,

妳知唔知女人鍾意男人送花?睇完一本書後,舉一反三下我明白咗深層意思(雲煙兄已經知我講咩)~~~~~~:)


雲煙兄:

內子個額頭無鑿住"唔送你就死"五個字咩?:P

Daniel.

匿名 說...

not my favourite time of year either.

S

陳大文部落 說...

丹尼兄 ~

我梗係明你講乜啦,我更如明雲煙老師講乜啦,你真係..哈 ~~ 我唔明又點會誠意邀請雲煙兄加盟部落星期天呢,真係 ~~~

但我反而唔係好 get 到你講乜喎。


女人呢,就無乜邊個唔鍾意收花既,不過就有分開非常鍾意、及非刻意咁解嗟。


通常大方既女士,就唔會好刻意咁要收花,因為要考慮男伴經濟能力、無謂錢之類。

同埋最重要既,係平時,平日愛你既,唔爭在情人節無花既。正如無須一定要母親節先至一年見個老母一次。

匿名 說...

大文兄:

Daniel不才,其實直至三個月前我都仲唔明點解女人鍾意男人送花,不過睇完Diamond院士嘅大作後,明到腳指尾呀!跟著就叫雲煙兄推薦俾佢啲學生呢~~~~~~:P

匿名 說...

有情人同沒情人這個節日都叫做煩人節,有情人就要刻意製造浪漫氣氛,沒情人就刻意製造孤單感覺,人類就是永遠不會懂得滿足的獨特生物....XD

L L 說...

喂, S ,你係咪我識嗰個 S ?

唉,不過天下 S 何其多!

借 Erica 地盆認親認戚,真係唔好意思!

匿名 說...

敞公司今年情人節,全公司一束花也收不到,日子還是如此過;工作還是如此做...敞公司一點也不小,有七十人呢!

無特別喎...

匿名 說...

你講d野勁灰囉
成日都講d咁既野
情人節只係多個節日同鐘意既人一齊


你講既野都好偏激受主觀
節日不會變質,變的只是商人
只要你同相愛既人不變就ok

匿名 說...

好一句考驗Creativity的日子!!
有時真係好難諗