星期日,Telesales打來叫我安裝,我說好. 在電話上提供了姓名,身份證,電話,地址,說明了合約詳情.她說街sales要上我家跟我簽約. 約來約去總共通了6次電話.
街sales又call我幾次約時間,又去錯地址, 搞到成夜晚10點來簽約,之後又問我姓名,身份證,電話,地址,信用卡資料,再次說明了合約詳情. 他說會有人再打給我確認個人資料.
這位街sales晚上11點多又打給我. 咁夜,我當然無接. 有什麽合約要咁夜確認呢?
他留言叫我打183xxxx確認資料.
星期一, 我中午打去確認資料後, 他們說再會有人打來確認資料.
下午,又有有線電視的人(CRC 部門)來確認資料,同樣是姓名,身份證,電話,地址,信用卡資料,再次說明了合約詳情.
唔講仲以為自己買緊樓呀! 唔系幾百萬既野,點使確認一萬次呀?
______________________________________________
故事尚未完結.
他們昨天(星期一)狂打比我確認資料,我整天在忙,叫他們7-8pm打來,他們8點幾才打來,我在開會. 後來又10點幾打比我. 確認資料完結(同樣是姓名,身份證,電話,地址,信用卡資料,再次說明了合約詳情)後, 又打來話安裝要改期.好改就改啦,我有選擇嗎? 終於, 我以為confirm曬所有野.
點知星期二又有一個街sales的主管話安裝要改期,我說昨天已經confirm了. 終於終於,我以為confirm曬所有野.
點知過了一分鐘,之前上來我家的街sales又打來說安裝要改期. 我真的忍夠了.
爲了同一件事,要勞煩三位不同部門職位的人打來, 系咪癡線? 部門之間完全無溝通!!
查看電話記錄,這3天來,我收了有線電視26個電話.
26個電話呀!
我阿媽都未試過3日打26個電話比我.
15 則留言:
是否只是想和妳多通幾次電話,
他們可以妳的 fans 呀~~~
哈哈~
保障你而已
M?
他日你想cut有線時，那過程肯定比這安裝更漫長.......就連在有線工作的人，都話打唔通個電話去cut。
cut有線好煩我都可以理解,問題是開通都咁煩,為mut?
我總共收了他們25個電話(2日內),改安裝時間改了3次. 你話是否人都癲!
剛剛收到第26個
小姐，都係小心D好！
我阿妹以前都裝過
無理由會打咁多次電話
係咪佢地知道你係邊個
故意狂打俾你呢?
另外, 好同意「匿名」所言
到你想 cut 時
你就會發覺幫襯佢地有幾搵笨
Erica, I am glad that they have done that. Looks like my policy is really working. Hahaha
那些職員係咪知道你係邊個,又驚服務態度不夠好, 怕你所以才會這樣做?! 哈哈~ 不過很好笑...雖然真的很煩= =
erica,我係中五生,想做歌手,可唔可以教我點入行?
我係你的話我就會取消個安裝申請 (除非你一定要睇世界盃同英超) 你可以想像下, 申請安裝要26次電話, 到你要取消時可能 260次電話都 cut 唔到. (你睇希特勒都cut 唔到有線就知幾大鑊)
這就是香港人的悲哀。你以為香港是自由市場，對不起，這個「自由」市場沒有提供選擇。在政府包庇下，企業不用改善產品、服務也可以荷包漲滿。閣下可以留意一下張 Terms and Condition，一定有一項是類似這樣寫的：[Service Provider] at any time and at its absolute discretion amend or vary the terms of this Agreement, the Services provided under this Agreement and any Charges therefore by giving the Subscriber not less than thirty [XX] days’ prior written notice of such amendments or variations. By continuing to use the Services without making any objection to such amendments or variations within thirty [XX] days of such notice, the Subscriber is deemed to accept the same. For the purposes of this Clause, publication or posting of such amendments or variations on [Service Provider]’s Website or by e-mail to the Subscriber shall constitute written notice.
意思是服務提供者(Service Provider, 即企業)可以單方面更改合約內容，包括收費、服務內容等等。所以香港消費者是沒有受到保障的。
想不到你的容忍限度也很高
我真係好驚你cut嘅時候比死更難受...因為我係過來人...祝你好運:D
其實咁多人識得妳就唔應該俾咁多個人資料 telesale, 自己去門市 apply la
發佈留言