留 言 對 答
http://ericayuen.blogspot.com/2008/09/blog-post.html
2011年4月27日
2011年4月23日
信報 忽然文化 by 占飛
當紅藝人三宗罪
周潤發欺老．陳奕迅踢館．謝霆鋒嘲老竇
是我太敏感還是周潤發太得寵？發哥做香港電影金像獎頒獎嘉賓，從發表「感恩感言」到質疑頒獎程序和大聲撐霆鋒到調侃希雲叔，十分鐘的「表演」成為整個騷的意外高潮。網民、娛記、專欄作家和電台主持人對發哥一致好評，讚他夠真，夠坦白，妙語如珠，既提攜後輩，又愛錫老人家。我不禁問自己：我跟這些人看的，是同一節目嗎？
發哥在台上自稱謙厚，又話自己「學識唔多」和「身份卑賤」，但我覺得這只是掩飾真正驕傲的假謙卑，鬼佬稱之為「false modesty」。他霸住個台話仲有嘢講，叫另一個頒獎嘉賓唔好出場，去「瞓陣先」；又質問主持點解先頒發最佳導演獎，之後才頒發他有份競逐的最佳男主角，搞到做了司儀幾十年的鄭丹瑞口震震大出洋相。凡此種種，顯示的不是謙厚而是霸氣。今時今日的周潤發當然霸得起，但為什麼要講一套、做一套，先恭後倨，判若兩人呢？
致敬變成搶盡風頭
最令人反感的是發哥對老人家的態度。跟他一起頒發最佳導演獎的，是從事製片工作超過三十年、年逾古稀的希雲叔。希雲叔未出場，發哥已經諷刺他渴睡。一見面就問他「認唔認得我」、「我叫咩名」和「有冇記錯」，搞到希雲叔要自認老人癡呆。這些表面上無傷大雅、純粹搞笑的插科打諢，其實帶有嚴重的年齡歧視色彩。之後發哥又教訓大方得體、反應敏捷的希雲叔「唔好得罪導演，唔係無得撈」，更作狀打希雲叔兩巴掌。
在現實生活中，發哥可能真的十分愛錫老人家，但他今次在台上的表現，不是敬老而是欺老。這令我想到有一次去睇潘迪華的演唱會，表演途中陳奕迅突然走出來向她「致敬」，但他狂歌熱舞所表現的媚態和騷勁，卻完全將年事已高的潘姐姐比下去。那是一場風華正茂的陳奕迅搶盡潘迪華風頭的精彩表演，雖然比潘迪華後生四十三年的陳奕迅勝之不武。那絕對不是致敬，而是踢館。潘姐姐曾經親口同我講，如果那晚她後生十年，一定同陳奕迅「死過」。
忽視敬老遲早出事
香港的當紅藝人，對老前輩的態度，往往是三分敬意，七分敵視。精神分析學鼻祖佛洛依德說男人有弒父情意結（Oedipus complex），霆鋒知悉得到最佳男主角獎之後上台的發言和表現，彷彿就是要證明佛洛依德是對的。
模仿不一定是最大的恭維，也可以是最含蓄的批評。他以最佳男主角的身份模仿謝賢的招牌動作和語氣，根本就是嘲笑他演技不濟。如果謝賢真的對他說過「你知唔知你細個嗰陣，我已經拍咗百幾部電影和幾百集電視劇」，那他在獲獎的一刻，當着幾十萬觀眾（或者幾百萬觀眾，視乎你相信無線還是亞視的收視調查）的面前重提舊事，就是要用最多人知的方式去告訴他的老竇，他這個做仔的已經遠遠把他拋離，去到一個更高的層次。他公開向謝賢認錯，希望他「原諒這個不知天高地厚的小朋友」，但最後贈他的一句「老竇，你至係最佳男主角」卻是綿裏藏針，似冷嘲熱諷多過衷心讚賞。香港的人口愈趨老化，但香港沒有敬老文化。敬老不是香港人的核心價值，這遲早會造成嚴重的社會問題。
轉載自4月23日信報
2011年4月11日
袁彌明：初創業要似海綿 (經濟日報)
| ||||||||||||||||||||||||||||||
2011年3月16日
對樓市看法
| ||||||
| 財爺人人派六千，80後依然上街大呼難買樓，皆因今時今日，分分鐘要入到屯門先搵到六千蚊一呎。不過同樣是80後的袁彌明（Erica），投資有道， 沙士時期入市，多年來平買貴賣，至今已經手持千萬物業，恨死一眾80後！ 沙士回流低價入市 撞正沙士回流返港，袁彌明以六千蚊租住2百呎的單位，她說：「間屋細得好緊要，反正買樓月供都咁上下，所以沙士一完，我就問家人借錢買樓。」家人資助外，原來袁媽媽亦是炒樓高手，她說：「阿媽專炒銅鑼灣同灣仔，又識避開稅局追查，會自己寫信去解釋唔夠住先買另一層。05年阿媽直情帶住支票簿去睇樓，驚錯失筍盤。」所以袁彌明一直認定磚頭有價，以沙士價入手上車盤，一年即賺75萬。 買樓樣樣睇單幢樓易入場 袁媽媽買樓好睇入屋感覺，不過袁彌明就務實好多，抱住「橫樑好過主力牆」的宗旨揀樓。她解釋：「橫樑可以用假天花修飾，但主力牆令單位難以改動間隔，無法重新打造提高實用度。」早年主攻百多萬貨仔，兩次出貨賺過百萬後，近年主力投資灣仔區近星街一帶，專揀十多年樓齡的單幢樓，價格易入場，她說：「最近太古重本收購這一帶，重建得好靚，又引入大量特色商舖，吸引到好多外國人鍾情，搵優質租客極易。」 歷年戰績物業 買入價 賣出價 銅鑼灣怡安大廈550呎單位 $163萬（04） $238萬（05） 銅鑼灣邊寧頓街400呎單位 $120萬（06） $160萬（08） 共賺：$115萬 灣仔醜屋大翻身 灣仔單幢洋樓入場費較低，屬上車做包租公首選。灣仔租客多為單身白領及外國客，所以袁彌明將單位重新打造，改做一房一廳設計，又將廚房面積變大，食正外國人心意，想做灣仔包租公必跟。 維昌大廈600呎單位 $435萬（去年買入）市值：$490萬樓齡：30年放租：$23,000（暫時自住） 水電：$6萬訂製傢俬及木工：$3萬牆身及地台：$7萬清拆費：$2萬雜項：$2萬 改裝費用總計：$20萬 樂滿大廈540呎單位 $415萬（去年買入）市值：$620萬樓齡：22年放租：$20,000（大廈翻新中） 手持物業總值：$1,110萬 水電：$7萬訂製傢俬及木工：$21萬牆身及地台：$7萬玻璃及窗台：$6萬清拆費：$4萬雜項：$5萬 改裝費用總計：$50萬 睇好後市有排升 雖然近期加息傳聞滿天飛，又有地產界人士預言樓市進入下調階段，不過袁彌明就好肯定話：「樓市一定升！」她認為：「大陸人一定繼續買起香港樓，因為萬一國家要沒收資產，他們可以徹底避開。」更分析港島區指：「跑馬地一帶最好住，住宅密度低而且出中環相當快。相反中環半山區（干德道一帶）就又貴又唔抵，皆因大部分單位樓對樓，而且單線雙程行車，一有交通事故就真係要行落山。」 勸80後要申請公屋 香港樓貴，80後怨氣最大。袁彌明就奉勸各位80後，不要覺得面子緊要，點都要申請公屋先。她說：「我有朋友由公屋，再買居屋，依家已經住緊私樓。」不過好多80後半天吊，申請唔到公屋又買唔起樓，Erica就話：「推出住宅物業稅後，租盤湧現，其實依家租樓都好抵。所以唔好着眼於依家無買樓受惠唔到升市，跌市其實更難以預料，無買樓就可以避過一劫。」 星街新盤點評 想做星街業主，廿幾年樓雖然平，但未必人人接受，幸而該處亦有新盤提供，而且各有特色。 星域軒樓齡12年（一梯六伙）1,016呎單位市值：$1,600萬（呎價$1.5萬）月租：$43,000 （呎租$42）袁評： 發展商為太古，用料較好，而且有會所 星街5號樓齡1年（一梯一伙）676呎單位市值：$1,500萬（呎價$2.2萬）月租：$38,000 （呎租$58）袁評：單位偏細同貴，屬同區少有新盤 揀舖要訣 有開舖做生意的袁彌明，其美容店已拓展至第3間分店。舖頭跟住宅不同，所以買舖做生意或準備入市炒舖，不妨聽伊人貼士。 要有巨型大窗窗戶令舖頭光猛之外，亦是重要的廣告位，對樓上舖更為重要，多加裝飾可吸引途人目光。 位處地標附近人流旺的地區自然貴租，想平可以揀靜一點又位處著名老舖附近的位置，不用每次向客人解釋店舖所在，又可吸收老舖人流。 買舖要睇契以為樓上舖買得過就好易中招，皆因不少樓上舖為住宅契，買舖前要睇清楚，因為轉換樓契用途的費用極之高昂。 | ||||||
2011年2月17日
2011年2月14日
政情：袁彌明開班改造宅男
| 東方日報 A14 | 政情 | 2011-02-14 | |||||
| ||||||
| 由社民連分裂出嚟，旨在要喺未來選舉「除四民」嘅人民力量，雖然成立無耐，但近日已密密開會，為嚟緊嘅區選做準備。由於人民力量嘅成員唔少都係無甚政治經驗嘅網友，據悉，人民力量已經搵咗自己友、前港姐袁彌明（Erica）作為形象指導，勢要擺脫「宅男」形象，令佢哋可以成為得體嘅區會候選人！ 袁彌明將會開班，幫人民力量嘅成員嚟個「宅男大改造」。 （資料圖片） 人民力量召集人甄燊港坦言，有感香港人好現實，一向都形象行先，故決定搵Erica負責人民力量嘅宣傳部，兼幫班成員嚟個「宅男大改造」，除咗幫佢哋執執個殼外，更會訓練待人接物嘅態度，仲直言嗌咪都需要一套好高嘅技巧喎。Erica早年選過港姐，固然睇得又talk得，但班成員對住佢能否專心上堂，就真係唔知嘞。 甄燊港又話，人民力量喺未來兩個月將會分批接收成員嘅出選意向書，預計三月後會認真作出選舉部署，務求民主黨、民協、工聯會同民建聯嘅候選人，喺每個選區都有人「服侍」。  | ||||||
2011年2月10日
2011年2月8日
訂閱：
文章 (Atom)