2012年5月24日

將軍澳特工隊


今個星期每日7-9am落將軍澳各地鐵站, 明天去多次寶琳!


有片!

明報: 袁彌明孖慢咇參選議員(片段)




東方: 袁彌明孖慢咇參選議員(片段)



【明報專訊】袁彌明(Erica)前晚穿上一襲低胸裙中門大開,與前DJ「慢咇」陳志全一齊欣賞首映,更同聲表示已於2年前開始組黨「選民力量」準備從政參選議員。可是,自認為有政治理念的Erica,被問到日前元朗大棠荔枝山莊因違規建築而引起村民與警方爆發衝突一事,她卻懵然不知**,需要身旁的慢咇提醒,認真失威。問到將來會否穿性感衣著參選,Erica表示:「如果參選一定會搏到盡,但拉票時便不會如此,因性感未必討好,今日是最後一次性感示人。」二人表示幾乎每天落區宣傳與市民見面,自嘲似「企街」,更透露準備向圈中人籌募選舉經費。「一張提名人名單最少要花過百萬元宣傳經費,有些更超過200萬元,已有心理準備屆時傾家盪產,也望圈中人多多支持。」
記者:林蘊兒

**白癡左, 我以為記者對立法會無興趣, 問裸照風波, 所以預設左答案"咩嚟㗎", 原來記者問蛋糕頭+荔枝莊.

Make-up by Tai
Hair by Nelson at Hair
photo by 頭條日報





新報: 選民力量大戰陳淑莊


另一方面,近期少咗蒲頭的袁彌明(Erica)就聯同「慢必」陳志全一齊現身首映禮。Erica更以黑色Tube dress力曬事業線兼「倒奶」支持,問到佢咁博為乜?向來說話「不饒人」的她,今次就笑住宣布:「其實今次博到盡係因為我想同大家宣傳,今次極有可能,非常積極,好大機會同慢必一齊參選今年嘅立法會選舉!」慢必聽到即更詳細透露,其兩人之代表政黨名稱為「選民力量」:「不過就未諗Erica係參選港島區打陳淑莊,定還是同我一齊出戰新界區!」

絕不會性感拉票

似乎已經決定用「胸部」去換選票的Erica就笑言,只是出席首映才會性感現身:「性感拉票就唔會㗎了,今晚都已經係最後一次博到咁盡,我都驚性感討好唔到啲選民!」提到競選經費問題,兩人就透露花費都要近二百多萬,慢必笑言:「袁老闆當然無問題啦,不過都會考慮向城中名人籌備資金嘅,其實?家我哋每日都有落區做吓工作,做吓街頭演講咁,之前『拉布』都瞓咗一晚街!」博到咁盡,真係唔知班選民會唔會投票俾你啦!

壹週刊: 放棄美國戶籍 袁彌明追擊陳淑莊

壹週刊 
B056-058  |   娛樂名人  |   作戰到底
2012-05-24

放棄美國戶籍 袁彌明追擊陳淑莊
現年三十一歲,○五年港姐出身的袁彌明(Erica),離開娛樂圈轉行做美容生意後,近年踩過界開咪講時事,更一度打算參選區議員,最終她因男友反對被迫放棄。死心不息的她,去年再成為《人民力量》核心成員,眼見黄毓民已屆花甲、眼疾纏身,袁彌明決定接棒,跟拍拖三年男友分手,連美國護照都唔要,以剩女姿態積極備戰九月立法會選舉,挑戰泛民另一剩女代表陳淑莊。
時事判官
五年前不甘做無綫乖乖女,決心離開娛樂圈創業搞美容生意的袁彌明,去年底,跟一直反對她從政的姓魏建築業男友結唔成婚兼分手,袁彌明終於可以想做就去做,每星期在「香港人網」節目《網想最大黨》開咪做時事判官,見政府鬧極唔醒,今年索性參選立法會。據了解,袁彌明選擇在港島區出戰,向同屬剩女的陳淑莊、寸嘴葉劉淑儀等現任立法會議員拗手瓜。「Erica不嬲對政治好有興趣,佢成日想為社會做啲嘢,所以佢一甩拖,就即刻部署選議員,有人同佢講政界係時候改朝換代,Erica寫專欄同做美容生意都儲到班年青捧場客,所以毓民搵佢選戰立法會,係要吸新血。」袁彌明身邊人透露。
全力接棒
上週四 (五月十七日)下午兩點半,前一晚到過立法會為支持「拉布」人士打氣的袁彌明,坐在車價過百萬的凌志房車到達中環美國領事館,手持美國護照的她,下車後即步入領事館內辦手續,半小時後再由司機接載到銅鑼灣廣場二期接受物理治療,尾站來到觀塘工業中心的印刷公司,做阿四幫黄毓民攞印有人民力量的貼紙。忙足大半日,袁彌明回家稍作休息,到黃婚六點半再出動,換上行政人員look,到大圍火車站幫《人民力量》派宣傳單張。做慣老闆的她,笑到四萬咁口向路經車站的途人遞單張,顯然唔係人人領情,但有心踩入政治圈檸檬唔怕食多幾個。對於有意參選立法會,並放棄美國籍,袁彌明認為並不可惜:「選舉重要好多,況且黄毓民都六字頭,陳偉業已經五十幾,我覺得係時候接棒,雖然冇男友支持,不過屋企人好撐我。」

Erica: 美國籍確實是放棄了, 以表明我積極考慮參選的決心. 
我很喜歡美國, 一直想在那裡退休.  
不過, 我更喜歡香港.... 爲了香港的民主運動得以薪火相傳, 放棄美國籍一事可謂微不足道. 
要重新申請入籍差不多是不可能的事, 但我無悔.

滿懷希望, 實現夢想
為著我們最愛的香港

2012年5月9日

9月立法會選舉


親愛的朋友們,

我正在積極考慮參加今年9月立法會選舉。現懇請大家登記做選民,到時(可能)可以投我一票~~

Print page one
於5/16 前填完fax到28911180即可。(不肯定自己是否已登記都可以照填, 不會構成"種票"~)
謝謝!
您們每一票對我來說都是非常寶貴的.





同場加映劉嘉鴻講解立法會選舉的制度(比例代表制/最大餘額法)
可以由3:00開始看

2012年3月26日

Liar

能睜大眼講大話而面不改容的人是最恐怖同最無恥的.


"我唔系共產黨員" 
"我N屆唔會選特首" 
中聯辦拉票"我唔知道" 


當然不凈至他, 我認為所有能睜大眼講大話而面不改容的人都系最恐怖同最無恥的

2012年3月21日

Absolutely not CY


不是挺唐, 而是萬萬不能讓梁振英成為特首. 梁的管治等於黨人治港, 打擊異己, 模糊甚至剷除一國兩制. 他獨裁, 一意孤行, 太善辭令亦善於含糊其辭.

依他所說, 他的人生之中沒有做過一件錯事-8萬5, 西九, 商台續約, 全部都不關他的事, 都是別人的錯.
4成4香港人, 你們真的想要一個這樣的特首嗎?

梁振英得到超過4成"民意"個人覺得有2成是因為唐英年口才差. 有1成是因為幾大地產商撐唐. 1成認為梁振英能力高.

有些人認為他會是明君? 未到他上任, 也不能肯定他是明君還是奸雄. 我們能冒這個險嗎?

有些人認為唐英年會是現況的延續, 而現況已經無可再差, 所以寧願博一搏.  但這一搏, 會改寫歷史, 開出先例由西環接管中環.  新聞自由, 言論自由, 23條. 值搏嗎?

2012年3月14日

4年沒有發作的SAD...

SAD has been hitting me quite hard this winter. This kind of cold and wet weather, plus an apartment without central heating are not helping... 7 more days to Hawaii. I really can't wait...

2012年2月17日

唱反調, 幫唐唐?

有關報導:
http://the-sun.on.cc/cnt/entertainment/20120217/00470_008.html
"不過,向來是「時事判官」的袁彌明則為唐唐講好說話:「其實唐英年咁講都係迫於無奈,至於話佢賴老婆,我覺得唔緊要啦!反而佢賴同老婆06、07年感情低潮嗰度就搞笑啲囉!我認為佢可以唔講呢句!我覺得唐英年參選特首嗰陣,應該用水泥封咗嗰度,呢個係低級錯誤。」"


並不是唱反調, 只是從公關角度來說, 僭建一事已不可抵賴, 若要繼續參選, 除了用老婆來頂, 已別無他法. 自己認的話,唐生一定要馬上引咎退選.


不過這個沒有認受性, 沒有民意基礎的小圈子選舉, 講多無謂.


作為民主派,還是想唐生當選, 因為如此一來, 香港會加速有普選... (7月1日200萬人上街!)