2009年8月21日

mi ming mart亮相《壹週刊》壹盤生意訪問

2009年08月20日
Mi Ming Mart (www.mimingmart.com)

記者初次見袁彌明,她笑容可掬,比平時在電視上見到「串串貢」的樣子不一樣,但不足兩分鐘她已變臉。租用其鋪部分位置開化 妝班的拍檔 Kenneth,隨意用了其電腦查閱電郵,她即時噴火:「我都話咗部電腦係我私人 o架!我隨時要用,你自己買番部入去用啦,嗰幾千蚊!」她這番話提醒所有人,她並非容易相處。



袁彌明的鋪頭於本月開張,她把鋪名以自己的名字命 名,賣自己用後認為好的美容護膚及家居用品,連鋪頭紙袋都大大隻印上自己的名字,簡直將自己變成生招牌。開這間鋪的念頭來自她的一次工作,「當時女性雜誌 《 ELLE》找我寫 blog,介紹護膚品。不過我在其他媒體已有數個地盤,已無時間再寫。」於是她主動要求改為拍攝短片,親身上陣介紹她使用過的新奇護膚用品或將自己的美容 經驗與觀眾分享。

爭代理 撼贏屈臣氏


為「提高收視」,袁彌明所拍的短片會出現瞪大眼夾眼睫毛、素顏搽粉底及挫腳皮等騎呢鏡頭,如下圖就親身教授如何夾出一排似太陽花的眼睫毛。

直至今年一月,她介紹一隻由美國公司 pHion出產的綠粉,產品含四十多種已經處理的蔬菜粉末,她已經吃了兩年,每日沖水飲用,可令皮膚質素改善及通便秘。短片一出,即惹來數百個讀者向她留 言,紛紛表示於香港購買不到,要求幫忙。「咁我就幫佢哋向美國生產商直接訂貨,一個月已經收咗八百幾張單,最初只係收番車馬費同運費。」之後每個月,她都 收到逾千人要求她代買綠粉。一個月後,突然殺出一個程咬金,「供應商嗰邊話俾我知,屈臣氏想向佢哋攞綠粉的代理,我聽到嗰陣覺得好嬲,我咁辛苦幫個原本香 港冇人識嘅產品做起咗個品牌,你一下子想搶咗去?」


居於新界區的女士,可到位於荃灣荃豐中心的格仔鋪買其代理的產品。


二話不說,袁彌明即時預備計劃書給供應商,爭取該產品的代理。她向美國總公司分析,香港女士都貪小便宜,故提議推出買三罐 綠粉送一罐的優惠;而且送出的一 罐,費用由她支付。她更自掏荷包印製有關該綠粉的宣傳單張,及變身產品代言人。袁在過去取貨其間,已主動向該公司提供顧客意見和銷售數字等數據,美國公司 覺得她有誠意,最後決定把產品代理權交給她,「屈臣氏只肯承諾每月最少賣出六百罐綠粉,我一個月都賣過千罐啦,根本佢哋就冇誠意攞個代理權!」


除了綠粉,她亦代理了一個護膚品牌 SYNERGIE MINERALS,主要出產防曬、護膚用品。傾談代理時,她主動邀請代理商來港視察環境,並支付其食宿費用。兩款產品都不用代理權費用,只收入貨價,而袁 彌明的零售定價,與供應商訂立的最低銷售價格一樣,即毛利約三成。另外她亦引入其他簡單的化妝及護膚用品。

素顏拍片谷產品

拿了兩個主要的代理權,袁彌明沿用拍片介紹產品這招,並放上YouTube免費宣傳,甚至在此與網友對話及介紹產品;而且 有自己的生意後,她更加「賣命」,即使是賣腳皮銼,她會將腳對準鏡頭,一路挫自己的腳板,一 路講解她所介紹的死皮銼有何優點及其使用方法,此時鏡頭還近鏡見到她的死皮。其他雜嘜牌腳皮銼一般售價三、四十元,她介紹的要$160元,今個月已經賣 了一百個。在介紹粉底時,她亦會以「嚇人」的素顏上陣,由粉底搽起,逐步教讀者怎樣使用化妝品,可謂犧牲「色相」。


她希望這些「真人 Show」,可加強生活百貨的形象,令客人不會覺得短片一味「 hard sell」。看過短片而買綠粉的客仔 Bernice說:「佢啲短片喺自己屋企拍,好生活化,同埋可信性高。我成日去唔到廁所,飲咗綠粉後腸胃真係好咗!」袁有賣暗瘡產品,但就從未拍過有關去 暗瘡產品的短片,「我都無乜暗瘡,好無說服力,雖然我知道呢類產品會好好賣,但我都只係暫時入咗一啲貨,要諗吓點 sell。」


要引起讀者追看短片的興趣,袁彌明說還有竅妙:「我每條片大概長八分鐘,如果淨係講件產品點好係好悶嘅。每隔約三十秒就要提出一個女性關心的話題,如便 秘、黑頭太多等字 眼,目的是吸引讀者繼續看下去。如介紹由橄欖油提煉的護膚油 Squalene時,她在短片中說:「點解要用 Squalene呢?因為廿五歲以上的女性皮膚質素會急轉直下……」廿秒後,她提出:「我知好多女士都會話『我塊面已經好多油 o架啦喎,仲搽油?』其實 Squalene只係身體流失咗嘅嘢,唔係油嚟 o架,係……」


鋪面面積七百呎,除售賣美容護膚產品外,亦有部分為家居用品。


日本製造的腳皮挫,手感較國產貨好。售價$160。


找拍檔分擔租金

最初袁彌明在網上售賣產品,還租用荃灣荃豐中心格仔鋪兩格,及擺放小部分到位於尖沙咀海防道的 AnthonG護膚品專門店,增加銷售點。由於生意愈來愈好,她開始在 facebook賣廣告,大谷知名度;並於今個月開始租下位於銅鑼灣富明街的樓上鋪,除了賣其代理的兩個品牌產品外,她亦積極在外國雜誌、網站找新產品, 及從她的顧客中找靈感:「客人生痔瘡都問我!試過有 fans口唇的皮經常甩,問我點算,我最後就搵咗隻 sara happ lip scrub的磨砂產品俾佢,佢用完之後,嘴唇甩皮問題即刻有改善,我亦因此引入呢隻牌子。」


每次拍短片,袁彌明均會親身上陣,講解所介紹之產品的好處及其他相關知識。


此綠粉有清腸胃及改善皮膚質素的功效,每樽可用約個半月。售價$280。


銅鑼灣樓上鋪租金一萬八,為了分擔租金,她亦計好數,拉攏替她化妝兩年多的化妝師 Kenneth,分租了其中五十呎的地方作化妝室,為客人提供化妝意見及開設化妝班。 Kenneth曾替娛樂圈中人樂基兒、蔣怡及蔡少芬等化妝,行內有名,「除咗減輕負擔,佢嘅學生上完堂又可以過嚟睇嘢,我嘅客買完嘢又可以望吓化妝課程, 互相帶動人流。」而 Kenneth亦覺得跟袁彌明拍檔有好處:「我係一個好傳統嘅化妝師,只識化妝。但佢好有 marketing sense,佢建議我點宣傳及定價,又教咗我做生意應幾時及點俾 discount。」


○五年參選港姐的袁彌明,會考二十四分,有六個 B,在美國 Tufts University修讀經濟。她的爺爺袁勃,經營攝影器材,是廣東道「科苑」相館的創辦人。父親袁弓夷又是做生意,其公司 Teleart專替 Casio製造手錶,並曾在 Nasdaq上市。因此,她自問天生就是做生意的材料,娛樂圈只是她從商的踏腳石而已。


數月前開始,袁彌明收到了不少化妝公司寄到她家中的新產品,不過她說要親自試用最少一星期,感覺良好才作介紹。


為提升 mi ming mart的專業形象,化妝師 Kenneth(右)於鋪內開設化妝學校,帶動客源。

14 則留言:

匿名 說...

點先有discount?

2005mhk18@gmail.com 說...

“草”分,$1=1分,遲d會有discount。

匿名 說...

有野問...
之前隻腳傷左留左好大個印!
請問有冇咩去印既野?
thanks a lot.

匿名 說...

我覺得你的店賣的東西都好有保證 我有勁多的黑頭, 鼻子的毛孔也越來越大了 駛過非常多的產品都沒有用 請問你可不可以推薦一些有效的產品給我? PLZ @@

由珍 說...

Erica, 不如你分享o下你o的創業心得俾Budget有限但又想創業o既朋友聽o下o丫? 因為唔係個個有Backup, 好似你咁有生意頭腦, 又怕一舖清袋蝕晒o的錢. 究竟搞生意有乜必要要素??
P.S. 皮膚薄底又極度敏感人士有邊種產品適合?? 請解答! THANKS!!!

darna 說...

hi erica,
I hope you're ok and would care less about what people say. I don't know how you cope with this but if I were you I would be really upset about what people said. Just to let you know there's always someone supporting you. am not your fan though lol

Congrats on your success. Success is for those who innovate :)

匿名 說...

要創業,就要識篤數!!!!!
要去做假眼代言,咁先有本!!!!!
要賣無效產品,咁先有傻嘅嚟幫襯!!!!!
要去搵D白痴客,一D都唔難,
只要唔怕醜,唔知醜,
無錢落廣告,
唔緊要,
搵一週啦!!!!!

2005mhk18@gmail.com 說...

好心你啦。做生意一個月賺過百萬的大有人在。你真是一隻井底之蛙。

之前你幾個post我都無post出來,不過見你窮追不捨,attention-seeking,我就由你出醜。

我過去多年投資有斬獲,有本做生意好奇嗎?你妒忌?

無錢落廣告?我公司有盈利,點會無錢落廣告?

白癡客?我有5000個客人,你話緊她們全部?

無效產品?你試過嗎?你是皮膚科醫生?

不知所謂。

2005mhk18@gmail.com 說...

皮膚、產品問題請email我。

匿名 說...

erica, 講得好, 好一隻井底之蛙.

匿名 說...

要創業,就要識篤數!!!!!
>> 篤數可以篤幾耐?
要去做假眼代言,咁先有本!!!!!
>> 就算係, 又如何? 佢挖你對眼咩?

要賣無效產品,咁先有傻嘅嚟幫襯!!!!!
>> 如果無效都仲幫襯, 真係極傻.

要去搵D白痴客,一D都唔難,
>> 客人犯著你甚麼? 請自重!

只要唔怕醜,唔知醜,
無錢落廣告,
唔緊要,
搵一週啦!!!!!
>> 就算係, 又如何? 阻到你咩? 你可以唔買雜誌唔幫襯.

12:08 下午, 八月 22, 2009

shizuoka2002 說...

彌明:

鄧走音啲Fans仲係緊追不捨噃,點搞?真係樹欲靜而風不息......:P

星期日間鋪係唔係會拉閘?係就等我放平日先拜會妳.幫襯怕且無,但有小禮物~~~~~~:)

Daniel.

匿名 說...

"無錢落廣告"?

市面隻隻大brand實有錢落啦,無論平面定電視廣告個個model塊面都真係"0瑕疵",你信以為真?佢有無試過0係你面前用隻產品用到由爛面變bb面?d明星做完呢個brand既代言人話"最愛最好用",轉頭又去左第二個brand,你得一塊面,可以有幾多quota黎試? 明星效應,點夠"people like me or you"即係試用過既人話你聽個效果,比你睇個轉變,0黎得親切同真實?

去完旅行就貢去你度入返d貨先!

匿名 說...

請問你仲有無賣入埋塞係尖頭鞋入面個舊cushion 同埋鞋墊呀??