2009年3月8日

閱目港女

袁彌明閱目港女

08/03/2009
文: Rachel





有人話佢寸,有人讚佢型,其實佢只係講心?句,事實港女並非個個都夠膽做自己。身為非典型港女的袁彌明(Erica),認為女生要有獨立思想、世界觀要強,而閱讀就是增值的法門之一。「從未遇過一個有吸引力的女人是不看書的!」一針見血,為這三八婦女節定下辛辣註腳!

找來率性的袁彌明介紹「女生讀物」,還以為她會介紹「如何對付偷食男」、「愛寸才會贏」這類型的書,誰知她率先推介的是《紐約客》專欄作者Malcolm Gladwell的《OUTLIERS:The STORY of SUCCESS》。「看過這書後,我對世界的理解不同了,連眼界都擴闊了。作者從世界上各種優秀『異類』(Outlier)的細微處入手,如出生時間、成長背景等,抽絲剝繭地論證他們的成功之處,觀察力非常強。」Erica認為從此書獲得啟發,對人生看得更透徹,她說:「其實不少女生都愛注意細眉細眼的東西,而這些東西的影響力會出奇不意,甚至成就你的人生。」

吸收靈氣 魅力大增
Erica認為閱讀對散發女生內在的氣質有幫助:「從未遇過一個有吸引力的女人是不看書的,看書可以讓你散發一種氣質,我稱之為『靈氣』。」

關於看書,Erica的「飛佛」是經濟學及EQ書,但自問不是從小就有閱讀習慣,她解釋:「在香港讀書沒有時間看教科書以外的書,到外國升學後又要追英文而沒時間,後來英文成績追得上,便有時間看書,較有興趣的是經濟學及EQ書,因為個人比較實際,喜歡看一些貼近現實生活,又能直接掌握知識的書。」

只求興趣 勿扮高深
讀書可提升氣質,但很多女生都不知如何揀書,Erica道出很多人的可笑之處:「逛書局應該是無壓力的,不要因為怕別人笑你膚淺而放棄有興趣的書,裝模作樣買一些很有『深度』的書,回家後只放在一旁,這樣永遠都培養不到閱讀習慣。」Erica以自己為例,這五、六年基於興趣便研究起中醫學典籍,日子有功,現在也可說是半個專家。

Erica之前寫過一本散文集《反.串》,暫未有時間寫新書,不過都會保持寫Blog:「看書是一種吸收,寫作則是一種Output。看完一本書,自己再寫同一個主題的文章,就會知道自己心裏在想甚麼,所以,我認為看書與寫作,是一個了解自己及整理思緒的一個途徑。」

訓身推介
《OUTLIERS:The STORY of SUCCESS》

作者:Malcolm Gladwell 出版社:Penguin Books LTD

「這本書很有時代性,作者的觀察力很強,他做了很多研究去拆解為何社會上優秀的『異類』(Outlier)會如此成功。作者從這些人的成長過程中,探索是甚麼原因創造出他們的成就。我欣賞作者超強的洞察力,亦讓我看通這個世界,成功有時是時勢造英雄,但亦非僥倖得來的,大家可讀此書而學習做一個成功的女生。」

打開書櫃
《人體使用手冊》

作者:吳清忠 出版社:達觀

「女生懂得扮靚,卻忽視內在健康,這本書非常淺白,不似一般中醫書艱澀難明,系統化地講解中醫理論,像如何防止寒氣入侵、如何提升血氣等,都是女生的保健重點。」

《投資大師羅傑斯給寶貝女兒的12封信》

作者:Jim Rogers 譯者:洪蘭 出版社:遠流

投資大師以書信方式,向女兒道出自己的成功經驗,希望女兒建立屬於自己的成功人生。「Jim Rogers是我的偶像,世界觀很強,這本書他寫給女兒,非常感性,裏面給女兒的十二箴言,如認識自己、不要讓別人影響你、要反眾道而行等,對人生有很大啟發,可說是女生必看的書之一。」

《把妹達人之謎男方法》

作者:謎男 出版社:大辣

「知己知彼,百戰百勝,反過來看男孩如何『把妹』,實有助防範墮入男性的陷阱。很多女生認為愛情是盲目的,此書作者就將愛情用方程式去拆解。女生反過來看追女書,便可以更了解自己,在男女關係上,變得更有主導權。」

悅讀作者

Malcolm Gladwell

一九六三年生於英國,在加拿大成長,一九八四年畢業於多倫多大學歷史學系,一九八七至一九九六年間擔任《華盛頓郵報》記者,後來升任紐約市分社主任。現任《紐約客》(The New Yorker)雜誌撰述委員。

Erica's Hot Pick:《The TIPPING POINT》

出版社:Little, Brown and Company

這是Malcolm Gladwell的首部著作,Erica十分欣賞作者的驚人洞察力:「他喜歡研究細微之處,並將各種細節連繫在一起,論證很多社會問題,像要減低紐約市的犯罪率,必須捉拿每天跳閘不付錢搭地鐵的罪犯,其論點是因為這些人會視犯罪為等閒事!」


25 則留言:

shizuoka2002 說...

彌明:

其他人覺得妳串,是他們的能力不足,而我就從來就唔認為妳串呢~~~~~~:P

如果妳有興趣研究如何減少犯罪,可以看以下的Paper:

Riding the underground dragon: crime control and public order on Hong Kong’s Mass Transit Railway

Daniel.

Betty 說...

D 字睇唔晒, 请adjust 下D 边位.

匿名 說...

本Outliers孫柏文都介紹過,唔通係你介紹佢or掉轉?

既然你咁真心,點解你係鹹豬手個post delete 咗你自己個reply?

有人challenge你係tvb時又唔出聲,依家出咗黎先講,我無睇錯的話,你話你係tvb已經有同樣感覺,之不過打緊tvb工唔敢講,(我即刻唸咁你又有冇資格話人?人地又何嘗唔係打緊tvb工唔敢講?)

個reply無幾耐不見了,唔知有冇其他人見到,不過肯定有出現過...

匿名 說...

你越來越有章小蕙的氣質

匿名 說...

i would like watching the Green's !

a reader

Kit 說...

"你越來越有章小蕙的氣質"<---


哈哈,我都想要有章小姐既氣質,四十幾五十歲仲keep得甘好,又唔駛做都有甘多靚衫著,都不知有幾多女人envious。我十年前升大學前果排成日去mandarin oriental既clipper lounge打凳,都有幾次撞倒"素顏"同咩到無帶喺身只係著住tee既章小姐好匆忙甘行過,
后來聼講章小姐喺文華包左間房住,仲係中環有間boutique專賣二手名牌衫,甘既生活I think好多人都恨。
所以我深信你話Erica有章小姐既氣質係讚緊Erica既~~^^

話時話我都好耐無睇過書,平時最多睇日本時裝magazine同美國既八卦gossip magazine,
都係時候聼Erica講讀下書做個有氣質既文化人~~

陳大文部落 說...

[你越來越有章小蕙的氣質] <---呢句說話係有『骨』的。

我唔會講咁多....拜拜。 @@"~~

匿名 說...

It's strange. You read the Outliner, and the Tipping Point. But you also listen to those retard fortune tellers, e.g. 麥玲玲.

Sorry, I just don't buy any constellation theories. No offence.

Economist

匿名 說...

you are getting prettier by living your life authentically.. just a random thought.

匿名 說...

Excuse me Economist,
Erica went on to the talk show of Mak Ling Ling, what do you expect her to do? Argue with her that oh fortune telling is bullshit in the show?

匿名 說...

That will be fun to see Erica snapping "bullshit" in front of Mak Ling Ling.

But show business is business, let's not go too extreme.

By the way, are you trully the anonymous guy, or just Erica pretending an anonymous guy to make the defence (smile)?

Economist

匿名 說...

我又唔覺"你越來越有章小蕙的氣質"呢句是有骨

呢句係讚定係彈其實係反映各人自己點睇章小蕙

如果呢句變成 "你越來越有張瑪莉的氣質",樓上o個倆位的感覺又是什麼?

睇完呢句"你越來越有章小蕙的氣質"而覺得是有骨, 或者即刻要寫一大堆章小蕙的優點的人,只反應你心底裡正正就是睇低章小蕙

自相矛盾
悲哀

陳大文部落 說...

10:52 下午, 三月 09, 2009 匿名 說的正是典型香港式廢話。

而且是廢得嚟好廢,雖然你是用匿名,但不難看出你是女的。

你呢堆廢話係好好笑,好笑之處,是膠得嚟可以表達得好似好有道理。

而家香港人好叻呢味嘢。

Josekin 說...

On Malcolm Gladwell... Tipping Point was a great success because he brought previously obscure academic research into popular words. After that, I feel his choice of research has not been as good. "Outlier" was okay. His so-called observations are really derived from other people's research and are a bit contrived and constructed. Sure, there are some merits to the claim... but there are also contrary examples that are not discussed. In terms of arguments, I think he makes a fine case... but not a great case.

Having said that, I would continue to read his books due to good topics.

Kit 說...

well,我内心真係欣賞章小姐架,覺得章小姐好有本事,差唔多成50歲仲keep到甘靚,
仲可以做埋荷李活編劇,雖然我對阿B唔反感,但都覺得他出書唱衰前妻好唔應該,
甘做女人為自己打算離開個自己覺得唔arm既老公搵過第個又有咩問題?
我都想我50歲果陣可以好似章小姐甘靚甘本事,所以我先有感而發講多左野~
真係唔係睇唔起章小姐,都係睇你點睇jer,right?

陳大文部落 說...

死囉,章小蕙係咪好多『時代女性』偶像?????


我唔敢深究呢個問題........

( 滴汗 + 汗顏 + 一股寒氣 + 目光呆滯...)

匿名 說...

"章小蕙係咪好多『時代女性』偶像?????"

應該係鐘意ERICA GEI都會幾欣賞章小蕙.

兩位"時代女性"都係不為大眾所接受, 受盡世人譏笑.

匿名 說...

i wanna know what;s 典型香港式廢話? my 1st time heard of this term.

wht r the elements of that passage that made it so 典型 and 香港式?!

Kit 說...

回大文兄:
都唔可以話係偶像,不過又唔可以否認同好佩服章小姐果份驚人既TOUGHNESS~~
我地睇人都應該欣賞下果個人既優點既~~^^

"應該係鐘意ERICA GEI都會幾欣賞章小蕙"<---
我本人又唔覺得Erica同章小姐係同一類人,起碼章小姐擺明居馬係要搵有錢佬係要靠人,
但Erica靠既係自己都仲要做野,亦無話過要搵有錢人(Erica講過自己唔會要二世祖,只係鍾情靠自己雙手既成功人士);相同既只係對時尚既觸角都好敏銳,同埋EQ都好高~

而且Erica有受盡世人譏笑咩?咪黎黎去去果版人,相反鍾意Erica既人就真係越黎越多,以前去d forum都仲會見到有人閙Erica,宜家閙既人明顯少左好多,
多左好多欣賞Erica既人,只係呢d人無喺呢個blog留言~~

Kit 說...

ok,呢個係Erica個blog,我地都係唔好再講章小姐,根本同topic同Erica本人都無關係,off topic lu~

係啊Erica,你elle blog張新相好靚啊,而且你呢個elle blog搞得好出色,多左好多女仔fans,
我見香討有好多sis都讚你真人又slim又靚又nice(about交收 green powder),
keep on your good jobs Erica~^^

陳大文部落 說...

9:44 下午, 三月 10, 2009 匿名

[應該係鐘意ERICA GEI都會幾欣賞章小蕙.]...


咁恐怖..........?

呀,我知喇,點解咁多人罵袁彌明喇。

可能好多人撈亂左袁彌明同章小蕙,頂唔順章小蕙嘅人咪順手罵埋袁彌明...?

咁都幾大鑊㗎噃。(真係幾大鑊...)

匿名 說...

我都撈亂左袁彌明同章小蕙

因為...
e.g. 章小蕙在星期日大班O既節目有意無意地到讚自己點叻點叻,仲要有晒事例咁,又透露去到美國同時有6個男人追求佢

e.g. 袁彌明總會在自己節目,人地節目,大大小小既訪問有意無意地讚自己,又係有晒事例既,同埋自爆有好多人追

我唔係話章小蕙or袁彌明講既野係作出黎,而係,君不見張曼玉,林菁霞此等美人,又或者蕭芳芳呢類真正有外貌又有內涵既人會出黎自爆話自己有好多人追,同埋點叻點叻...etc etc...

呢D都係章小蕙or袁彌明好多時成為笑柄既原因

讚美從來是別人給的才好
自己畀自己的讚美隨時成為被譏笑的對象 (除非你是"公認"的美, "公認"的有內涵)

匿名 說...

I like 章小姐 as she is brave to voice out her thought even though the general public might not appreicate her sense of value.

匿名 說...

說話辛辣是你的特質,但說話言之有物而持中庸態度更為一般人受落。

冷嘲熱諷,熱愛批評只會令別人覺得你是另類港女,那個港女81宗罪袁小姐似乎也中了幾個!字裡行間也顯示了你是一個怎樣的人,不是嗎?

2005mhk18@gmail.com 說...

so?