2010年11月20日

原來成個幾月無update!

真系好對唔住!

最近忙得好誇張. mimingmart入左好多新產品同consignment啦, 選民力量又多活動(我是選民力量的庶務二課), 仲有黎緊會開一彈新的business---在尖沙咀與友人合資開一家 tea shop, 名為KAMI Teapresso.賣點系用沖Espresso的方法, 用茶葉(不是茶精)和鮮奶(不是致癌的奶精)沖製特濃奶茶. 仲可以選full fat/low fat/skim milk~ 
KA=友人kapo, MI=我, mi ming! 
Kami最近裝修緊, 雖然我話明只系夾錢同做宣傳, 但力不到不為財, 一定要出一分力既.


mimingmart亦將會擴充營業, 再開分店. 黎緊2011要做多d online marketing.


仲有最近市況咁波動, 要睇住個市.


呀, 仲有新樓剛剛裝修好, 要搵租客.


忙還忙, 我非常enjoy現時的生活. 當初決定選港姐, 脫離每日朝9晚6, 一年的10幾日假的辦公室生活, 爭取曝光和名氣, 在傳媒發聲, 繼而從商, 好好彩, 都一一做到了.  


政府打壓樓市的新聞一出, 個個香港人都好關心.  


我呢d叫右派, 聽到加印花稅當然媽媽聲. 不過作為一個普通市民, 我都明白政府的用心. 覺得印花稅措施針對性好強.  1年內比15%, 即系完全wipe out去年的樓市升幅. 而對用家來說, 影響極輕微.


唔知系咪政府想比番個彩金管局攞, 所以整頓埋樓宇按揭成數: 800萬元以上樓宇的按揭成數降低至六成,而 1,200萬元以上更降至五成. 呢招我就覺得連累o左用家. 


 一年前, 政府已經將2,000萬樓宇的按揭成數減到5成, fine, 2,000萬確實唔系人人買得起, 富戶借少d錢買樓啦.


但呢兩年樓價已經升左咁多, 港島樓只要大少少, 可以一家大細加隻狗住, say1,000多尺, 已經一定過800萬, 好d既區更加系一定過1,200萬. 本來可以借7成, 變左5成, 1,200萬既然樓即系差左240萬按揭. 一般打工仔要儲多幾多年錢呀? 


炒家見低息先借錢炒, 祖國買家更加唔使按揭. 


希望這招按揭成數只系"銀行指引", 唔好立例啦.

5 則留言:

fengshuicentral 說...

加油!

teddyiris 說...

girl powerrrrr! add oil :)

shizuoka2002 說...

彌明:

政府一定要做嘢......

如果佢夠敢話非香港居民唔俾買樓,我會支持佢永遠連任CE......

Daniel.

飛蚊導彈 說...

面積過千呎的單位,在港島大型屋苑裡面,已經算是最大的單位,佔總單位數目以至二手成交量,都只有一至兩成,受影響的"用家"非常有限.而且一個八百萬的單位,就算照舊七成按揭,供25年,以現時利率計算都要二百多萬首期,月供兩萬多,一般的打工仔還是難以負擔.
對他們來說,八百萬以上,過千呎的單位已經是豪宅,從來不是他們的目標,更不會是上車人士的選擇.
較多這類單位的主要是半山區這些傳統豪宅區,所謂的"用家"都是身為中產專業人士的換樓客,需求並不逼切.以這種方法令他們推遲換樓計劃,既可減少需求令樓市降溫,也可避免他們摸頂招致損失,實在無可厚非.

匿名 說...

"....也可避免他們摸頂招致損失,實在無可厚非."

政府認為現在樓價係頂位?佢地自己係到"估頂"就要市民認同?買800萬以上樓唔可以係用家?換樓客唔可以自用?生多個b咪換樓囉,咁都要打擊?加stamp打擊抄家冇說話好講,收緊按揭成數肯定連累埋用家.