多謝《東touch》Choco姐~~

醒目女！袁彌明 you tube創業大法

一向風格敢作敢為嘅袁彌明， 繼做完維園阿伯論大談政事後，最近進軍美容界，以一樽pHion綠粉（Green alkalizing superfood Powder）打響名堂，呢樽嘢包含30多種不同鹼性食物而成的濃縮粉末， 1茶匙pHion綠粉提供的營養素，超過一磅菜，可以幫助一向有便秘問題嘅女性。聽講話，Erica一向喜歡周圍搵好嘢用，飲咗呢隻綠粉有一段時間，發覺 好有效，於是就喺雜誌介紹，結果好多讀者問喺邊度買，搞下搞下，愈嚟愈多人落order，Erica依家自己索性做埋代理，生意仲好似話唔錯，上個月就喺 銅鑼灣開冲間樓上鋪賣佢自己嘅心水美容護膚產品，一於做埋美容達人咁話。 Choco姐一向覺得Erica係娛圈另類份子，有樣有腦，係新一 代女性人辦。佢搞呢壇生意，完全同美容行業一向要高貴唯美嘅宣傳手法好唔同，佢利用youtube係咁宣傳自己嘅推介產品，背景就係佢屋企，着住住家背心 裙，拎住寫住產品特性同優點嘅白紙，係咁飛紙仔講解，仲要print到費事，係手寫添，超低成本製作，真係宣傳易都budget多過佢，佢甚至不惜以面黃 黃嘅素顏示範，好夠「吉士」，估唔到呢招不單冇人嫌佢cheap，仲話佢夠生活化，好正！ 嗱！我都話美容廣告來來去去幾度板斧好鬼悶啦，喺呢個you tube age，最好嘅宣傳渠道其實根本唔使錢，只係睇下你有冇腦，識唔識利用啫！ Profile: Choco姐 生日：8月8日 三圍：36-24-36 入行經過：縱橫美容界多年，對身邊八卦事瞭如指掌，希望將有趣嘅美容界八卦事及新資訊同所有人分享！