談 愛 情 電 影

一 群 二 十 到 尾 的 女 人 在 討 論 電 影 。
琪 突 然 嘆 息 道 ： 「 好 耐 未 睇 過 一 齣 好 好 的 港 產 愛 情 片 。 」
怡 ： 「 莫 講 話 愛 情 片 ， 愛 情 喜 劇 都 冇 。 」
大 家 有 同 感 ， 沉 默 了 一 會 。
明 惟 有 破 冰 ： 「 點 為 之 好 好 先 ？ 」
琪 搶 答 ： 「 《 甜 蜜 蜜 》 咪 好 好 ！ 」
全 人 喪 氣 地 ： 「 churRRR!!! 鬼 唔 知 ！ ！ 」

蕙 ： 「 近 期 影 評 話 ， 《 孤 男 寡 女 》 都 好 好 呀 ！ 」

明 ： 「 喂 喂 ， 《 孤 男 寡 女 》 已 經 係 七 年 前 事 。 」
這 樣 說 下 去 像 幾 個 老 姑 婆 話 當 年 。
怡 ： 「 《 生 日 快 樂 》 都 OK 。 」
琪 ： 「 唔 夠 浪 漫 。 講 隱 瞞 絕 症 生 離 死 別 戲 唔 會 夠 韓 片 fight 。 」 好 像 有 點 道 理 。
明 ： 「 咁 近 期 全 部 有 個 『 愛 』 字 青 春 片 大 家 有 冇 睇 過 呀 ？ 」
又 一 片 沉 默 。
明 解 釋 ： 「 《 十 分 愛 》 、 《 愛 鬥 大 》 、 《 我 的 最 愛 》 批 呢 ！ 」
蕙 ： 「 你 自 己 有 無 睇 過 呀 ？ 」
明 ： 「 無 。 」 補 充 ： 「 我 又 唔 係 少 男 少 女 ， 點 會 俾 70 蚊 入 去 睇 咩 『 女 神 』 呀 ？ 」
琪 隱 晦 地 舉 手 ： 「 其 實 我 有 買 碟 睇 。 」
怡 ： 「 得 唔 得 ？ 」
琪 ： 「 唔 … … 好 港 女 ！ 同 埋 似 睇 小 朋 友 扮 大 人 玩 談 戀 愛 。 」
怡 ： 「 會 唔 會 係 我 年 紀 大 咋 ？ 以 前 十 幾 歲 睇 《 百 分 百 感 覺 》 覺 得 好 睇 ， 就 等 於 依 家 十 幾 歲 代 人 覺 得 《 我 的 最 愛 》 好 睇 一 樣 。 」
明 ： 「 肯 定 唔 係 啦 ！ 1996 年 《 百 分 百 感 覺 》 第 一 集 電 影 版 係 由 十 幾 歲 到 三 十 幾 都 有 睇 。 」
蕙 ： 「 你 算 罷 啦 ！ 睇 西 片 ！ 《 Sex and the City 》 都 就 上 啦 。 」

這 段 沒 有 結 論 的 討 論 未 有 在 此 結 束 ， 反 而 一 直 在 我 腦 海 盤 旋 。
西 方 愛 情 片 和 愛 情 喜 劇 的 成 功 ， 很 大 原 因 是 有 一 堆 能 叫 十 幾 到 五 十 幾 歲 觀 眾 入 場 的 演 員 。 隨 口 都 有 Hugh Grant 、 Cameron Diaz 、 Julia Roberts 、 Drew Barrymore 、 Jude Law 、 Natalie Portman 、 Kate Winslet 。

反 觀 香 港 ， 年 輕 偶 像 的 市 場 真 的 只 局 限 在 非 常 年 輕 的 學 生 中 。 得 罪 說 句 ， 以 他 們 的 氣 質 實 在 叫 不 動 比 他 們 年 長 的 觀 眾 入 場 。 能 跨 越 觀 眾 年 齡 層 的 4 字 頭 愛 情 片 男 主 角 仍 然 人 才 濟 濟 ， 3 字 頭 好 像 只 有 古 天 樂 和 吳 彥 祖 ， 要 接 棒 而 還 未 出 人 頭 地 的 二 字 頭 是 陳 冠 希 、 余 文 樂 、 謝 霆 鋒 ， 其 中 兩 位 分 別 因 頂 包 和 淫 照 事 件 令 觀 眾 緣 全 失 。 不 過 還 好 ， 男 演 員 不 過 三 十 不 出 頭 ， 還 有 時 間 洗 底 ， 重 新 來 過
。
女 演 員 的 清 單 更 是 慘 淡 。 能 跨 越 觀 眾 年 齡 層 的 4 字 頭 張 曼 玉 已 不 太 拍 港 產 片 ， 3 字 頭 有 鄭 秀 文 、 舒 淇 、 劉 若 英 ， 2 字 頭 已 出 頭 的 張 芝 竟 是 名 單 中 最 早 相 夫 教 子 的 ！

不 過 在 我 眼 中 還 有 幾 位 未 被 完 全 發 掘 的 2 、 1 字 頭 女 演 員 ， 她 們 就 是 LA LA LA NA ！ ！ ！

Isabella （ 梁 洛 施 ） ， Ella （ 官 恩 娜 ） ， Fala （ 陳 法 拉 ） ， Karena （ 林 嘉 欣 ） 。

下 期 再 續

《 百 分 百 感 覺 》 可 以 話 係 當 代 最 成 功 的 愛 情 電 影 之 一 ， 不 知 幾 時 才 再 會 有 同 等 級 數 的 港 產 愛 情 電 影 出 現 。

近 期 的 愛 情 電 影 《 愛 鬥 大 》 由 一 班 後 生 女 如 江 若 琳 和 Janice Man 等 掛 帥 ， 老 實 講 ， 只 係 細 路 仔 睇 。