圍 攻 中 華 鱘(左丁山)

施老闆演講向來最富娛樂性。
轉載自《蘋果日報》
──────────────────────────────────────────

獅 子 山 學 會 又 在 西 洋 會 搞 論 壇 ， 呢 次 係 「 中 文 台 」 ， 講 廣 東 話 ， 與 上 次 完 全 英 語 對 白 唔 同 ， 於 是 參 加 講 壇 者 全 為 本 地 人 。

講 乜 呢 ， 獅 子 山 學 會 搵 到 施 老 闆 永 青 與 商 務 及 經 濟 發 展 局 副 秘 書 長 黎 蕙 明 打 對 台 ， 講 「 競 爭 法 」 。 黎 副 秘 都 算 係 打 得 之 人 ， 夠 膽 單 刀 赴 會 ， 努 力 為 政 府 意 欲 訂 立 競 爭 法 辯 護 。 孫 柏 文 呢 個 肥 仔 說 話 有 骨 ， 稱 讚 黎 副 秘 係 中 華 鱘 ， 勇 敢 跳 入 海 洋 公 園 大 魚 缸 ！

黎 副 秘 照 本 宣 讀 ， 沿 PowerPoint 逐 點 解 釋 競 爭 法 諮 詢 與 大 概 。 跟 住 到 施 老 闆 發 揮 ， 佢 話 自 己 演 講 ， 從 不 準 備 ， 話 從 心 中 來 ， 預 先 寫 好 稿 ， 備 好 課 之 人 ， 多 數 係 抄 書 引 述 權 威 之 言 ， 未 必 真 係 有 料 。 有 一 次 佢 去 演 講 ， 主 辦 人 話 佢 冇 準 備 ， 施 老 闆 回 答 ： 「 我 自 三 歲 開 始 ， 已 經 日 日 準 備 」 ， 有 料 之 人 先 至 夠 膽 講 呢 句 話 ！

施 兄 大 肆 批 評 競 爭 法 之 議 ， 指 特 區 政 府 無 事 搵 事 做 ， 為 商 界 增 加 成 本 ， 為 會 計 師 、 律 師 、 經 濟 分 析 師 增 加 就 業 而 已 ， 佢 話 每 逢 政 府 立 法 ， 梗 係 話 保 護 弱 者 ， 維 持 公 平 競 爭 環 境 ， 但 實 際 上 ， 大 企 業 先 至 有 資 源 （ 人 力 物 力 ） 遵 守 政 府 新 法 規 。 譬 如 政 府 為 地 產 代 理 監 管 局 立 法 、 監 管 代 理 業 ， 推 行 以 來 ， 益 晒 中 原 美 聯 兩 大 公 司 ， 兩 大 愈 來 愈 大 ， 中 小 地 產 代 理 愈 來 愈 難 搵 食 ， 施 老 闆 話 道 理 簡 單 不 過 ， 中 小 企 既 要 顧 及 地 監 條 例 ， 又 要 同 中 原 美 聯 競 爭 ， 難 度 甚 高 。 有 見 及 此 ， 施 老 闆 預 言 ， 競 爭 法 出 台 後 ， 最 終 受 苦 者 就 係 中 小 企 ， 大 企 業 增 加 不 方 便 ， 但 係 絲 毫 無 損 。

到 發 問 時 間 ， 所 有 問 題 衝 黎 副 秘 而 來 ， 呢 位 女 士 口 才 便 給 ， 一 於 使 出 政 府 金 鐘 罩 ─ ─ 重 申 政 府 立 場 ， 不 作 個 別 評 論 ， 提 出 外 國 例 子 等 等 ， 兵 來 將 擋 ， 水 來 土 掩 ， 雖 然 十 分 吃 力 ， 但 不 致 遍 體 鱗 傷 ， 可 以 平 安 游 出 魚 缸 ！ 曾 淵 滄 授 話 新 加 坡 政 府 於 兩 年 前 推 出 競 爭 法 ， 純 為 應 景 ， 人 有 我 有 ， 但 新 加 坡 大 企 業 幾 乎 全 部 國 營 ， 全 獲 豁 免 ， 於 是 競 爭 法 衙 門 編 制 十 分 細 ， 無 事 可 做 ， 曾 授 質 疑 香 港 特 區 點 解 要 立 法 ， 是 否 亦 係 人 有 我 有 呀 ？ 如 果 係 咁 ， 特 區 政 府 唔 應 該 每 年 撥 款 數 千 萬 元 維 持 競 爭 法 事 務 委 員 會 與 審 裁 處 喎 ！